Tuir ajenda despedida ho atleta sira ba Indonézia hodi partisipa iha jogu paralímpiku sudueste aziátiku iha Indonézia (Asean Para Games 2022) iha tuku 08h:00, maibé Primeiru Ministru (PM), Taur Matan Ruak tenke hein Sekretáriu Estadu Juventude no Desportu (SEJD), Abrão Saldanha durante minutu 14 nia laran.

Ho korrupsaun tempu ne’ebé halo husi Sekretáriu Estadu Abrão, tuir observasaun www.tempotimor.com iha terrenu, bainhira haree ba oras ne'ebé kontinua la'o mak Primeiru Ministru Taur orienta ekipa sira hahú serimónia despedida, tanba tuku 09:00, Xefe Governu iha ajenda seluk ne’ebé partisipa.

Bainhira serimónia solene hahú to’o iha ona klaran, bainhira PM hamutuk ho atleta no konvidadu sira kanta ona Hinu Nasionál Timor-Leste nian ‘Patria-Patria” hafoin Sekretáriu Estadu Juventude no Desportu to'o iha fatin serimónia ne'ebé hala'o iha Palásiu Governu.

Ho Korrupsaun tempu ne’ebé halo husi SEJD abraão tenke hamriik de'it iha liur, tanba ema hotu firme hela hodi hananu Hinu Nasionál Timor-Leste nian.

Bainhira hananu remata mak Sekretáriu Estadu ne'ebé tutela ba Juventude no Desportu ne'e foin tama iha serimónia no kumprimenta Primeiru Ministru, Taur Matan Ruak. (*)