Tempotimor (Díli)-Governu liuhusi Konsellu Ministru (KM) delibera no sei partisipa iha espozisaun mundiál tinan 2025 ne'ebé mak sei realiza iha Osaka, Japaun.

Tempotimor (Dili)-Diretór Interino Fundasaun Mahein (FM), Sancho Xavier, konsidera Paz no Estabilidade ne’ebé iha kandidatu Prezidenten Repúblika (PR) ko’alia durante ne’e sira-nia ibun tutun de’it, tanba iha tempu kampaña kontinua insulta malu.

Tempotimor (Dili)-Portavoz Ekipa Susesu, Alberto Carvalho Araujo hatete, Komisaun Polítika Nasioná (KPN) Partidu Unidade Dezenvolvimentu Demokratiku (PUDD) deside avansa ho Kandidatu Prezidnete Repúblika (PR), Martinho Gusmão ba Prezidente Repúblika atubele halo mudansa lori moris di'ak ba povu.

“Tanba ne'e Partidu PUDD fihir, hili no tetu, hodi hili Dr. Martinho Gusmão, ne’ebé uluk serví iha uma kreda, sarani sira no ba povu Timor, tanba ne’e ohin Partidu PUDD hakarak fihir Dr. Martinho Gusmão atu sai Prezidente Repúblika ba períodu tinan lima tuirmai”, afirma nia iha komísiu kampaña loron datoluk ba kandidatu PR Martinho Gusmão iha iha Postu Adminitsrativu Railaku, Munisípiu Ermera, segunda (07/03).

Pozizaun PUDD foti desizaun hodi konfiansa ba Martinho Gusmão tanba haree katak tinan 20 ukun-an, dezenvolvimentu la’o hakdasak, sobu malu, la rona malu, hatun malu, hasa’e malu, hodi difikulta povu mak terus nafatin.

Tanba ne'e, lakohi povu atu terus tan, di'ak liu hothotu hamutuk hodi lori mudansa ba futuru liuhusi kandidatu Martinho Gusmão.

Maske iha ema balun hatete, Maromak de’it nia bosok satán ema, maibé atu hatete de'it katak, ‘Amu bispu ho amu papa’, ne’ebé mak fó autorizasaun la dehan Martinho Gusmão bosok Maromak.

PUDD haree katak azitasaun lahan, azitasaun fraku, polítika fraku, no husu Ermeraoan sira hotu, atu dehan ba povu Timor, dalan loos, dalan di’ak mak kandidatu inkluzaun ida ne’ebé Partidu PUDD aprezenta ba povu Timor atu hili no atu lori ba Prezidenti Repúblika.

Kandidatu Martinho Gusmão, nia ema ida ne’ebé iha kapasidade, iha maturidade, sei la halis ba partidu ida, sei la halis ba ema ida, sei kumpri lei, kumpri justisa, kumpri mandatu ne’ebé mak povu fó fiar ba nia atu lori povu no rai ida ne’e ba moris di’ak.

Husu ba apoiante sira atu haree didi’ak prinsípiu politika sira no labele nakdoko, labele rona rumoris ki’ikoan sira.

Mesmu iha ema ida no rua lori bandeira PUDD ba buka buat rahun hodi deklara PUDD la solidu, maibé lalika hakfodak, tanba Estrutura Nasionál Partidu PUDD sólidu, firme nafatin lori Martinho Gusmão ba Prezidenti Repúblika, no firme nafatin atu lori PUDD hetan Vitória ba 2023.

“Ha’u repete tan Labele tauk, labele rona rumoris, ita koñese malu, ita hatene malu. Ita hamriik tanba ita iha mehi, kuaze tinan 20 ita la hetan ita-nia mehi hanesan mehi ne’ebé mak ita hakarak iha ukun-an ida ne’e”, dehan nia.

Nu’udar Portavoz Ekipa Susesu Kandidatu Martinho Gusmão disponivel atu diskute ho sé de’it, kona-ba konseitu dezenvolvimentu ba rai ida ne’e. Konseitu oinsá atu hetan prezidente ho kualidade di’ak atu lori Timor ba oin no la’ós moris iha impase nia laran, la’ós moris iha Estadu Emerjénsia, la’ós moris iha lockdown, tanba ida ne'e ukun ho atrazadu, ukun ho atrapalla.

“Ita hakdasak nafatin, no to’o agora ita sei hamlaha, terus nafatin, iha ukun-an tinan 20 nia laran. Tuir loos ita muda tia ona, ita di’ak tiha ona, maibé to’o agora ita seidauk di’ak tanba ita-nia líder sira hatene mak halo impase, hatene mak soke malu, hatene mak la rona malu, mais uluk iha rezisténsia ita rona malu, unidade, maibé kontariu fali iha ohin loron ita haree malu ladi’ak, la rona malu”, deklata nia. (*)

Tempotimor (Baukau)-Organisazaun Menezies School of Health Research (MSHR) apoiu mákina laboratórium 4 ba Ospitál Rejionál Eduardu Ximenes (HoREX-sigla portugés) Baukau.

Tempotimor (Baukau)-Ínisiu tinan-2022 iha fulan-janeiru to’o Marsu, Provedória Direitu Umanu no Justisa (PDHJ-sigla portugés) delegasaun teritórial Baukau simu keixa husi komunidade hamutuk 13.

Tempotimor (Dili)-Sekretáriu Estadu Formasaun Profesionál (SEFOPE), rejeita informasaun ne’ebé espalla katak SEFOPE pratika partidarizmu iha prosesu selesaun joven sira ba servisu iha nasaun Korea Súl no Austrália.

Tempotimor (Díli)-Konsellu Ministrus (KM) deside autoriza prosedimentu ba aprovizionamentu husi tipu konkursu Públiku internasionál, ba adjudikasaun kontratu públiku ida ba konstrusaun edifísiu foun Administrasaun Munisipál Manatutu.

Tempotimor (Dili)-Ministétiu Saúde (MS) ho Organizasaun Mundiál Saúde (OMS) kontinua diskute dokumentu essensiál kuidadu Saúde sekundaria no Tersiaria.

“Objetivu husi atividade ohin atu aprezenta prelimináriu finding atu hakerek esbosu pakote ospitalar ho pakote sekundária no Tersiaria. Ne'ebé aprezenta husi asesor Saúde mundiál hamutuk diresaun ospitalar Diresaun Politika Kooperasaun”, dehan Diretora Jéral Prestasaun Servisu Saúde, Odete da Silva Viegas, iha Salaun Ótel Novu Turizmu Lesidere, kuarta (09/03).

Iha tinan 2021, asesor timoroan balun hakerek ona esbosu kona-ba pakote ne'e. Tanba prestasaun Timor rekere atu iha investigasaun klean liu hodi haree rekursus no insfraestrutura ne'ebé kondis ho situasaun agora atu eleva no presiza hadi’a.

Iha asesor ohin ne'e mós hakerek ona kona-ba pakote servisu esensiál sira kuidade saúde primária, no halo tan saúde sekundária no Tersiaria siknifika atu abranje ba ospitál sira inklui fatin internamentu iha munisípiu sira.

Klasifikasaun ba moras primaria haree liuba promosaun, prevensaun no atendementu konsulta baibain nian klasifikasaun moras sekundária iha nível munisípiu iha interna nia mak moras laran, moras fuan, hipertensaun no diabetes, ba Tersiaria nian subespesialista ba intervensaun ba korasaun no konkluzia nian.

“Ita iha kuantidade rekursus ne'ebé mak populasaun asesu ona maibé presiza hadi’a mak kualidade. Ita mós fó ona tomada de posse ba médiku espesialista Timoroan sira ne'ebé hala'o estudu iha nasaun Kuba”, dehan nia.

Ba espesialista hirak ne’e, iha área hanesan Kardilojista, Anpolojista, Neurolojia no intensivista, ne’ebé koloka ona iha ospitál referál no hahú hala'o servisu.

Responsabilidade husi Ministériu nian mak atu identifika priense lakuña sira ne'ebé mak liga ho fasilidade no ekipamentu inklui aimoruk hodi médiku sira fó prestasaun ne'ebe di'ak ba pasiénte ne'ebé mak nessesita.

Reprezentante Organizasaun Munidiál Saude iha Timor-Leste, Arvind Mathur hatete, sira sei oferese téknika ruma ba sentru saúde sira iha Timor laran tomak, atu hare'e liuba moras espesialista sira no oinsá atu transfere pasiénte sira ba ospitál ne'ebé iha fasilidade kompletu inklui haree moras ne'e iha kategória primaria ka Sekundaria ne'e depende ba kondisaun moras ida-idak nian.

Ba moras fuan no kankru ne'ebe dadaun ne'e sae makas tamba ema barak mak la halo ginastika no konsumu alkohol no tabaku barak liu mak hamosu moras sira ne'e. 

OMS sei fó trenamentu no bolu tékniku iha rai liur hodi fó formasaun ba médiku timoroan sira hodi aumenta sira-nia kapasidade atende pasiénte ne'ebé mai ho moras klasifikasaun sekundária no Tersiaria. (*)

Tempotimor (Díli)-Ministru Koordenadór Assuntu Ekonómiku (MKAE), Joaquim Amaral hatete, Governu Timor-Leste iha obrigasaun atu tau matan no suporta traballadór sira ne'ebé rekruta husi Ajensia sira hodi ba servisu iha Qatar.

Tempotimor (Dili)-Prezidente Partidu Os Verdes de Timor, António Lela Huno Cruz, husu ba Laureadu Nobel da Paz, José Ramos Horta no Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, deskansa no vota ba Prezidente Partidu FRETILIN, Francisco Guterres ‘Lú Olo’, iha eleisaun Prezidente Repúblika (PR) períodu 2022-2027.