Login to your account

Username *
Password *
Remember Me

MSHR Apoiu Mákina Laboratórium 4 ba Ospitál Baukau

Project kordinatór ba Fleming Fund, Carlos Sarmentu ko'alia hela ba média sira iha HoREX Baukau, kinta (10/03). Project kordinatór ba Fleming Fund, Carlos Sarmentu ko'alia hela ba média sira iha HoREX Baukau, kinta (10/03). Foto Tomas Freitas

Tempotimor (Baukau)-Organisazaun Menezies School of Health Research (MSHR) apoiu mákina laboratórium 4 ba Ospitál Rejionál Eduardu Ximenes (HoREX-sigla portugés) Baukau.

Mákina Bactec atu analiza infeksaun rán husi laran, Microscop, Biosafety Cabinet inklui Inkuvatór amostra.

Project kordinatór ba Fleming Fund, Carlos Sarmentu, hatete, Menezies School of Health Research hetan fundus husi Governu United Kindows (UK) atu haforsa Ospitál Nasionál Guido Valadares (HNGV-sigla portugés), laboratórium nasionál no laboratórium iha Ospitál rejionál seluk inklui Baukau.

Ékipamentu refere konsidera avansadu, tanba mai husi nasaun Europeia no Australia hodi hafasil servisu micro nian iha Ospitál rejionál no nasionál.

"Mákina ne'e dijitál duni, tanba hatama tiha rán, teste iha mesin laran nia rejultadu sai, pozitivu ga negativu, mákina ne'e mós bele hatama sampel 40 durante 24 jam,"dehan Carlos iha Horex, kinta (10/03).

Nune’e, instalasaun remata ona no garante sei fasilita di'ak liután ba pesoal saúde sira iha serviu micro nian.

Xefe departemantu laboratórium HoREX Baukau, José Martins Sarmentu, hatete, apoiu mákina laboratórium MSHR atu haforsa pesoal saúde halo atendementu di'ak liután bainhira halo ezaminasaun ba micro bakteria.

"Antes ne'e, pesoal saúde ne'ebé servisu iha área laboratórium uza de'it sistema manual mak hala'o servisu, nune'e difikulta tebes, maibé husi apoiu ne'e, bele fasilita ona servisu ba área laboratórium iha Ospitál Baukau,"nia hatete

Mákina dijitál laboratórium ne’e ho kapasidade bele akumula sampel 40 (botir) durante oras 24 tau iha media aero no fanaero, hafoin Bactec mak deteta rezultadu pozitivu ka negativu.

Bainhira remata foti rezultadu pozitivu kontinua halo penagram ba media over old inklui media selektu, hafoin ba teste siensetifitas anti biotik ba inkuvatór durante 24.

Tuir planu laboratórium HoREX Baukau, sei funsiona hikas iha semana oin. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter