“Ha'u hanoin Estadu kontinua suporta inisiativa sira ne'ebé iha ona kooperasaun sira no parseiru sira iha li'ur atu halo sira-nia, negósiu Estadu kontinua buka meius kontinua fó tulun ba sira tuir saida mak sira presiza maibé nia mobiliza sira ba li'ur Estadu kontinua tau atensaun ba ida ne'e”, dehan Ministru Joaquim Amaral ba jornalista sira iha Palásiu Governu, kuarta (09/03).
Kona-ba rekézitu sira no protesaun ba traballadór sira Governu mak tau atensaun maibé kona-ba mobilizasaun ba traballadór sira ne'ebé Governu entrega kna’ar tomak ba kompaña privadu ne'ebé mak iha kontaktu ho kompaña iha nasaun Qatar.
“Estadu kontinua apoiu tanba ne'e protesaun ba sidadaun Timoroan sira ne'ebé atu ba servisu maibé mobilizasaun sira ne'ebé setór privadu sira mak halo ho sira nia kustu tomak maibé nia regra no preparasaun sira saida mak sira tenke kumpri Estadu iha koñesimentu ba ida ne'e”, afirma nia.
Tuir observasaun ne'ebé www.tempotimor.com nota iha terrenu katak, dadaun bele ajensia Incanto Group mobiliza no prepara ona sidadaun Timoroan hamutuk 300 ne’ebé aprezenta ona dokumentu atu ttuir selesaun ba serbisu iha Qatar. (*)