“Ohin Konsellu Ministru mós aprova autorizasaun ba abertura prosedimentu aprovizionamentu ba konkursu públiku internasionál ba konstrusaun edifísiu foun Administrasaun Munisípál Manatutu”, dehan Ministru Presidénsia Konsellu Ministru (MPKM), Fidelis Leite Magalhaes, ba jornalista sira iha Palásiu Governu, kuarta (09/03).

Liuhusi proposta ne’ebé aprezenta husi Ministru Administrasaun Estatal, Miguel Pereira de Carvalho, ne’ebé Konsellu Ministrus deside autoriza prosedimentu ba aprovizionamentu husi tipu konkursu Públiku internasionál, ba adjudikasaun kontratu públiku ida ba konstrusaun edifísiu foun Administrasaun Munisipál Manatutu.

Ba konstrusaun edifísiu ne’e sei iha andár tolu, ho gabinete maizumenus 20 no sei permite ema besik 200 mak bele serbisu iha tempu hanesan. prevee katak konstrusaun sei hahú iha fulan-outubru tinan 2022 no sei remata iha fulan-maiu tinan 2025. (*)