Tempotimor (Dili)-Prezidente Repúblika (PR), Francisco Guterres ‘Lú Olo', konsidera kargu ba membru Governu foun na’in-2 hanesan Eldino Rodrigues dos Santos ne’ebé asume kargu Sekretáriu Estadu ba Terras no Propriedade (SETP) no Maria do Rosario Fátima Correia ba Sekretária Estadu ba Igualdade no Inkluzaun (SEII) importante atubele solusiona problema iha Povu nia Moris.

Tempotimor (Dili)-Xefe Estadu Maior Falintil-Forsa Defeza Timor-Leste (F-FDTL), Tenente Jenerál Falur Rate Laek informa, dadauk ezekusaun Orsamentu Jerál Estadu (OJE) tinan 2022 husi F-FDTL nia iha trimester dahuluk, konsege atinje pursentu sanolu-resin-ida (11%).

“Loloos ne'e, ami implementa ona to'o pursentu 25, ami seidauk, horibainrua ha’u hatete ne'e foin mak pursentu 11oituan mais ne'e tékniku mak bele esplika buat ne'e, ha’u la'ós tékniku, ha'u politiku”, dehan Falur, hafoin halo enkontru semanál ho Prezidente Repúblika (PR), Francisco Guterres ‘Lú Olo’, iha Palásiu Prezidensiál, Bairopite, kuarta (30/03).

Ba alokasaun Orsamentu Jerál Estadu 2022 ne'e, implementa no ezekuta tiha ona, maibé buat ne'ebé mak sira ko'alia ho Prezidente Repúblika nu’udar Komandante Supremu mak orsamentu ne'ebé hala'o ligasaun ho lei programasaun militar nian ne'e.

Antes ne'e, Parlamentu Nasionál (PN) aprova OJE hamutuk ho totál millaun $25,527,233 ba FALINTIL-Forsa Defeza Timor-Leste (F-FDTL) ho rezultadu votasaun a-favór 52, kontra 0 no abstensaun 12.

Husi valór orsamentu ne'e, saláriu vensimentu $10,756,000, bens servisu $14,771,233, kapitál menór, kapitál dezenvolvimentu no transferénsia públika laiha, no husi orsamentu ne’e sei finasia ba programa tolu, sub-programa lima no atividade 11.

Iha programa defeza nasionál prevee $22,930,372, programa boa-governasaun no jestaun instituisionál prevee $2,566,861 no programa igualidade jéneru no inkluzaun sosiál prevee $30,000.

Programa defeza nasionál ho nia sub-programa defeza militár nia atividade mak garante misaun operasionál F-FDTL, moderniza infraestrura no ekipamentu militár.

Haree ba Sub-programa rekursu umanu ba prestasaun servisu ho nia atividade jestaun rekursu umanu ba prestaun servisu.

Ba programa boa-governasaun no jestaun instituisionál ho nia sub-programa rua no atividade haat.

Entretantu, programa igualidade jéneru no inkluzasaun sosiál ho nia sub-programa implementasaun NAP-rezolusaun 1325 (2000) ONU kona-ba WPS ho nia atividade estabelese unidade jéneru, aspeitu integradu jéneru iha kuríkulu, promove lideransa no kapasidade feto iha F-FDTL, sensibilizasaun motiva feto iha militár no implementasaun abordajen integradu igualidade jéneru. (*)

Tempotimor (Ainaro)-Sentru Nasionál Chega (CNC) liuhusi Divizaun Relasaun Externa Komunikasaun no Advokasia tau planu prioridade hodi fó kapasitasaun jornaalizmu Paz ba jornalista sira husi mídia sira iha Timor-Leste.

Tempotimor (Díli)-Sekretária Estadu Kooperativa (SEKOOP), Elizário Ferreira hatete, sira sei eduka kooperativa sira hodi kria medisina herbal iha Timor-Leste.

Tempotimor (Dili)-Komisaun Nasional ba Eleisaun sira (CNE) nkritika ekipa susesu kandidatu Prezidente Repúblika balun la sukat linguajen bainhira hala'o intervensaun polítika iha kampaña eleitorál primeiru volta.

Tempotimor (Baukau)‐Komisaun Funsaun Públiku (CFP-sigla portugés) bandu kargu xefia sira prátika seksual ka komete kazu asediu seksual iha fatin servisu.

Tempotimor (Dili)-Xefe Estadu Maior Falintil-Forsa Defeza Timor-Leste (F-FDTL), Tenente Jenerál Falur Rate Laek hatete, Governu dadaun ne’e loke ona konskursu públiku (tender) ba manutensaun Ró Komponente Naval ne’ebé kondisaun at hela.

Tempotimor (Dili)-Governu liuhusi enkontru Konsellu Ministru (KM), aprova ona projetu Dekretu-Lei, ne’ebé aprezenta husi Ministru Administrasaun Estatál (MAE), Miguel Pereira de Carvalho, kona-ba Fundu Espesiál ba Dezenvolvimentu Ataúro (FEDA).

Tempotimor (Dili)-Sekretáriu Estadu Protesaun Sivíl (SEPS), Joaquim José G.dos Reis Martins hatete, durante iha eleisaun prezidensiál identifika Polísia Nasionál Timor-Leste (PNTL) hasoru difikuldade barak liuliu iha ekipamentu viatura nia.

“Sim ita rekoñese katak, ita-nia PNTL iha difikuldade nomós limitasaun barak ne'ebé mak sira hasoru, ita identifika liliu ekipamentu viatura ne'ebé iha, la sufisiente nomós avaria”, dehan Joaquin bainhira reprezenta Vise Ministru Interior, Antonio Armindo, hodi ba enkontru ho PM Taur Matan Ruak, iha Palásiu Governu, tersa (29/03).

Maske hasoru difikuldade barak, maibé ida ne'e la sai hanesan obstakulu ba PNTL sira hodi halo servisu iha terenu.

“Maibé sira nafatin hala'o sira-nia funsaun servisu ho di'ak iha terenu”, hatete nia.

Aleinde ne'e mós, Komandu Jerál hala'o ona avaliasaun ho Komandante munisípiu sira hotu, no deskobre duni katak iha difikuldade barak ne'ebé mak PNTL hasoru iha terenu liliu iha eleisaun prezidensiál ne'e.

“Los duni iha eleisaun prezidensiál ba ronde dahuluk ne'e iha difikuldade barak ne'ebé mak PNTL hasoru, nune'e agora ba segunda ronde ita iha ona planu oinsá mak bele muda ita-nia pontu frakeza sira iha ronde dahuluk nia ne'e, nune'e ba segunda ronde nia ita bele hadi’a di'ak liután”, afirma nia.

Ba segunda volta nafatin mantein planu operasaun ne'ebé PNTL iha, hodi atua situasaun ne'ebé akontese iha terrenu liliu ba pertubasaun ne'ebé mak mosu no halo husi apoiante sira iha eleisaun prezidensiál ronde dahuluk.

“Ita sei halo aprosimasaun ba team susesu sira husi nasionál no munisípiu sira, para bele garantia, hodi haree sira-nia apoiante sira, para labele kria tan pertubasaun nomós aktu ne'ebé mak akontese iha primeiru ronde”, afirma nia. (*)

Tempotimor (Dili)-Xéfe Suku Manumera, Postu Turiskai, Munisípiu Manufahi, Isabel de Jesus, preokupa ho ema Kbi'it La'ek no Oan Ki'ak ne'ebe laaAsesu ba Uma Kbi'it La'ek (UKL), ne’ebé oferese husi Governu.

“Agradese tebes ba VIII Governu ne'ebe kria Programa Implementasaun Uma Kbi'it La'ek (UKL) ba Komunidade Kbi'it La'ek sira maibé prekupasaun mak oinsá ho oanki'ak sira ne'ebé inan aman laiha ona no Komunidade Kbi'it La'ek ne'ebé nia uma at ona sira iha direitu ka la’e ba UKL”, hatete Isabel de Jesus hafoin Partisipa iha diálogu Komunitáriu ho MAPkoms iha Postu Administrativu Turiskai, sesta (25/03).

Tanba iha suku laran komunidade balun konsidera hanesan kbi’it la’ek no oanki’ak seidauk bele sai benefisiáiu ba Programa ULN, ne’ebé implementa husi Programa Nasionál Dezenvolvimentu Suku (PNDS).

Ba kestaun ne'e, Diretora Programa Nasionál Dezenvolvimentu Suku (PNDS), Claudinha Soares Pinto hatete, Komunidade Kbi'it La'ek iha territótiu Timor laran ho númeru ne'ebé as tebes, foin hahú prepara uma ne'ebé dignu no seguru ba komunidade sira.

“Ita iha rekezitu ne'ebé hatur ona iha manual ko’alia kona-ba sustentabilldade ba programa no sustentabilidade ba atividade ne'e rasik katak ema ne'ebé merese duni mak bele hetan uma husi programa UKL”, dehan Claudinha Soares Pinto iha kna'ar fatin, Kolmera-Dili, tersa (29/03).

Tanba ne'e, Suku sira la'o tuir matadalan ne'ebé iha ona enkuantu Sekretariadu Tékniku Programa Nasional Dezenvolvimentu Suku (PNDS) fasilita prosesu sira no entrega hotu ba suku no komunidade sira mak implementa.

“Rekezitu husi manuál ne'e mak primeiru sosializasaun nível Munisípiu atu fahe informasaun ba suku kona-ba kuantidade UKL sei hetan husi kada suku no aldeia ida mak autoridade lokál sira aprezenta lista benefisiáriu sira”, esplika nia.

Iha feze daruak nian, komunidade kbi'it la'ek sira tenke iha oan mínimu na'in-ida ka beioan ne'ebé hela ho sira se laiha entaun sira labele hetan sustentabilidade uma ne'e sei laiha tanba se sira rua laiha ona.

Ba faze datolu nia mak oan ki'ik tenke ho idade sanulu-resin-hitu ba leten tanba iha responsabilidade no sai xefe família, maibé oan ki’ak sira ho idade 16 mai kraik mak sei la hetan no hein oportunidade tuir mai.

Lista benefisiáriu ne'ebé hetan Uma Kbi'it La'ek (UKL) nian prepara husi suku no komunidade rasik enkuantu ekipa tékniku husi PNDS fasilita de'it prosesu sira ne'e, atu garante ba sustentabilidade programa no sustentabilidade husi atividadare refere.

Enkuantu tinan 2021 implementasaun programa UKL hamutuk uma 1.254 la responde hotu, no tinan 2022 ne'e, mai ho kuantidade uma 4.000, no ninia implementasaun ba Timor laran tomak. (*)