Login to your account

Username *
Password *
Remember Me

Governu Hahú Loke Konkursu Públiku ba Manutensaun Ró Navál Tolu

Ro Komponente Naval ne'ebe para hela iha tasi laran. Ro Komponente Naval ne'ebe para hela iha tasi laran. Foto Suplay

Tempotimor (Dili)-Xefe Estadu Maior Falintil-Forsa Defeza Timor-Leste (F-FDTL), Tenente Jenerál Falur Rate Laek hatete, Governu dadaun ne’e loke ona konskursu públiku (tender) ba manutensaun Ró Komponente Naval ne’ebé kondisaun at hela.

“Mais horisehik Ministru esklarese ba ha’u katak, Diretór Jerál esklarese ha’u katak tender la'o ona. Tender la'o ona, ha’u-nia opiniaun, ha’u dehan hanesan ne'e, tender la'o, ha'u-nia hanoin tender primeiru mak ranpas, imi hadi'a ranpas ida iha sorin ne'eba para kuandu ba ne'e, ba foti ba para tender manán karik, ba foti ona hadi'a iha ne'eba. Mais sira fó resposta ba ha’u dehan tula sai balun ba halo manutensaun iha liur, ne'ebé problema ne'e la'ós ha’u-nian, problema desizaun iha Ministériu”, dehan Tenente Jenerál Falur, iha Palásiu Prezidensiál, Bairopite, kuarta (30/03).

Dadauk problema ne'ebé kompaña forsa Naval hasoru mak kona-ba kondisaun ró tolu, tanba ró ida ne’ebe doasaun husi Korea nian, agora paradu hela iha parte Kamanasa nian, no iha portu Dili mós situasaun at ona.

Ba kondisaun ró ahi ne'ebé la di'ak, mak parte superior halo ona medida prevensaun atu retira ekipamentu sira iha laran, no medida imediatu, katak kalan labele ba toba iha laran ona.

“Ha'u tauk sira ba toba iha laran bele mout, sira mate e ha’u responsabiliza, tanba ne'e ha’u ko’alia deklara iha ne'e”, dehan nia.

Tanba ne'e husu ba forsa ne'ebé servisu iha Kamnasa, komesa orsida kalan ne'e labele ba toba ona iha Ró ahi ida ne'e nia laran.

“Ne'e primieru kona-ba Kamanasa nian, tanba ha’u horseik rona husi Ministru, esplika ba ha’u katak sira halo ona kontaktu ho Korea para fó resposta ruma para ajuda fó solusaun ba ró ne'e, mais ema la fó to'o agora. Ne'ebé ha’u ba vizita at liu ona, tanba ne'e mak ninia resposta ida ne'e”, esplika nia.

Maibé, ba ró rua seluk ne'ebé uluk Governu sosa husi Xina, ne'e para hela, konsege ba vizita no planu atu dada tiha ida hodi ba para iha Ranpas Behau nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter