Prezidente Komisaun Funsaun Públika (CFP‐sigla portugés), Faustino Cardoso, hatete, iha loron 30 fulan-marsu tinan-2022 (ohin) CFP hamutuk Internationál Labour Organisation (ILO), liuhusi Autoridade Munísipiu Baukau, dizemina informasaun 'Lae' ba violensia no asediu iha funsaun públiku ba kargu xefia sira iha Baukau atu halo prevensaun ba violensia domestika inklui tentasaun tendensia prátika asediu seksual iha servisu fatin.
"Mandatu komisaun nian siensebeliza bazeia ba buat sira ne'e, ita la halo orsida prátika fó sala ba komisaun dehan, la esklarese mai ami buat sira ne'e, agora ami esklarese ona, kuandu tuir fali mai mak komisaun simu ne'e todan, hatene tiha ona nusá prátika, sé la hatene karik sei iha razaun husu deskulpa, maibé agora hatene ona depois prátika ho konsiensia rasik, entaun todan liután," dehan Faustino iha salaun sentru konvensaun baukau vila antiga, kuarta (30/03).
Dizeminasaun ne'e, atu iha servisu fatin seguru no respeitu malu, nune'e bele asegura produtividade servisu iha prosesu atendementu públiku nian.
Tanba, Komisaun Funsaun Públika liuhusi dizeminasaun ba kargu xefia sira atu fahe tutan ba sub-alternu sira, nune'e bele ema hotu hatene prosedimentu bainhira iha kazu ruma bele hatene Justisa.
"Ne'ebé ita hein katak tempu badak ita simu ona keixa," nia argumenta
Enkoraja partisipante sira atu nafatin fahe tutan ba sub-alternu sira ne'ebé la partisipa iha dizeminasaun ne'e, atu bele hatene krime asediu seksual no violensia iha servisu fatin.
Nune'e, Sekretária Autoridade Munisípiu Baukau, Simão dos Santos Marques Pinhero, hatete, husi dizeminasaun sei kontinua hatutan ba sub-alternu sira, nune'e bele aplika iha instituisaun ida-idak.
"Bainhira kazu akontese iha instituisaun públiku, na'in mak komisaun funsaun públiku," nia hatete
Kazu asediu seksual no vialensia iha servisu fatin ba Munísipiu Baukau, seidauk rejista, maibé liuhusi dizeminasaun ne'e, kopéra bainhira mosu kazu iha servisu fatin sei relata ba Komisaun Funsaun Públika.
Totál funsionáriu iha Munísipiu Baukau hamutuk na'in-477, kompostu husi permanente, kazual inklui ajénte adminisitrasaun públiku, enkuatu partisipa iha dizeminasaun ema na'in-80 husi kargu xefia. (*)
