Login to your account

Username *
Password *
Remember Me

EBC Tunubibi Aat, Domingos: Governu Laliga

Kondisaun EBC Tunubibi ne'ebé grave hela, maibé governu laliga, Tersa (2/3( Kondisaun EBC Tunubibi ne'ebé grave hela, maibé governu laliga, Tersa (2/3( Foto Tempo Timor

Tempotimor (Maliana)-Haree ba kondisaun infraestrutura Eskola Bázika Sentrál (EBC) Tunubibi ne'ebé aat ba dadaun, maka diretór EBC Tunubibi, Domingos da Silva halo ona proposta ba governu iha 2018, maibé to'o agora governu laliga.

Tuir diretór Domingos, iha 2018 parte eskola halo ona proposta ba edukasaun munisípiu Bobonaro no nasionál, maibé proposta ne'e to'o agora laiha rezultadu.

“EBC Tunubibi nia kondisaun mak ne'e, aat no besik atu monu ona, maibé obrigadu ami tenke uza nafatin mezmu aula tolu de'it mak funsiona inklui sala enkontru ida, ne'ebé ami uza hotu ba aprendizajen. Mais agora ami la eskola tanba estadu emerjénsia hela," dehan Diretór EBC Tunubibi ba www.tempotimor.com iha Tunubibi, Tersa (2/3).

Nia hatutan, prosesu aprendizajen eskola nee paradu hela tanba EE, mezmu prosesu aprendisajem la'o ona to'o pursentu 25%, maibé tarde ona tanba iha fulan Abril tama ona ezame periodu dahuluk nian.

Iha parte seluk, xefe aldeia Tunubibi, Fernando Raul katak, iha tinan 2014 no 2015 iha programa ida atu halo reabilitasaun ba eskola hotu munisípiu Bobonaro, maibé ikus mai EBC Tunubibi la hola parte ba reabilitasaun.

Autoriedade lokál ne'e mós akresenta, tempu ne'ebá diretór edukasaun munisípiu Bobonaro ho ekipa halo ona verifikasaun, maibé to'o agora la realiza no eskola ne'e rasik la hetan reabilitasaun.

"Uluk diretór edukasaun munisípiu Bobonaro nian, mai verifika tiha ona, maibé realidade mak eskola ida ne'e la tama iha planu reabilitasaun nian," katak Fernando.

Fernando mós reafirma katak, nu'udar autoridade iha Tunubibi, kontinua luta hamutuk ho diretór no mestre sira iha EBC Tunubibi, para bele atinje ojetivu liu-liu harii kondisaun eskola di'ak ba oan sira.

"Hanesan xefe aldeia iha ne'e labele nonok de'it, maibé hamutuk ho diretór no profesór sira tenke hakbesik aan ba autoriedade kompetente sira. Maibe agora ho situasaun hanesan ne'e ita labele halo buat ida, maibé atu dehan katak problema ho kondisaun eskola ne'ebé perigu no ameasa ba estudante no mestre sira," dehan autoridade ne'e.

Entretantu EBC Tunubibi totál estudante 581, aula aprendisajem haat inklui kondisaun eskola ne'ebé fó perigu tebes ba estudante no mestre sira. Depois EBC Tunubibi rasik iha nia filiál lima ne'ebé ho totál estudante liu rihun ida.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter