“Hanesan ohin ha'u dehan ita sosa ona tonelada 400 ita tau iha Maliana husi grupu agrikultór sira kuaze 27 grupu agrikultór agora ita mós iha polítika ida atu hadi'a nia presu ne'e, uluk ne'e ita fó 40 cent por kilograma agora ne'e ita fó 52 cent por kilograma ne'ebé ita insetiva para sira kontinua prodús hodi nune'e iha rezisténsia ona Timor-Leste ba dependente iha produtu importasaun”,  dehan Jacinto iha Sede FONGTIL, Kaikoli, segundu (16/08).

Dadaun ne'e CLN hari’i ona sentru prosesamentu iha fatin haat hodi rekolla agrikultór sira-nia produsaun liliu hanesan hare tanba dadaun ne'e Timor oan mak sei konsumu etu.

“Ami hanaran sentru rosesamentu armajenamentu rejional la'ós atu hari’i mais hari’i tiha iha Baukau, ita iha hodi bele kobre parte leste nian, iha norte nian ita tau iha Natarbora nian, iha Maliana mós ita hamriik ona hala'o dadauk iha Dili ita kobre husi Ermera, Saare, Atabae sira ne'e ita mai iha Dili, tanba dadauk ne'e ita Timor maioria hán etu, entaun prioridade mak ami sosa mak hare kulit uluk tanba ita Timor maioria hán etu, tanba etu mai husi fós, fós mai husi hare no husi natar no natar ne'e ekipa agrikultór sira mak halo tanba ne'e ita  tenke sosa buat ne'ebé maioria merkadu presiza”, dehan nia.

Iha Sentru Prosesamentu Rejionál ne'e, kada loron mákina boot iha nia kapasidade loron ida dulas fós ne'e loron ida tonelada 20 no sentru armajenamentu ne'e iha kapasidade 5 tonelada oras ne'e prontu ona no oinsá mak grupu agrikultura halo produsaun.

Bazeia ba Vírus Covid-19 ne'ebé da'et mai iha Timor-Leste Governu deside atu kontinua aplika programa Sesta Bázika entaun Governu sei foku sosa produtu lokál sira hodi nune'e Grupu agrikultór mak sai sustentabilidade ba sidadaun sira ne'ebé hela iha sidade. (*)