Login to your account

Username *
Password *
Remember Me

CLN Abandona Pagamentu ba Traballadór Na'in-100 iha Baguia

Administradór Postu Adminisitrativu Baguia, António Ramos ko'alia hela ba mídia sira iha salaun sentru konvensaun Baukau vila antiga, kinta (31/03). Administradór Postu Adminisitrativu Baguia, António Ramos ko'alia hela ba mídia sira iha salaun sentru konvensaun Baukau vila antiga, kinta (31/03). Foto Tomas Freitas

Tempotimor (Baukau)-Sentru Lojistiku Nasionál (CLN-sigla portugés) abandona pagamentu ba traballadór na'in-100 ne'ebé rekruta hatun sasan no hein sasan Cesta Bázika iha Suku 10 Postu Adminisitrativu Baguia, Munísipiu Baukau.

Administradór Postu Adminisitrativu Baguia, António Ramos, hatete, traballadór ne'ebé iha tinan-2021 CLN rekruta iha Postu Baguia, Suku 10 atu hatun sasan no hein sasan, to'o ohin loron CLN seidauk halo pagamentu.

"Kuaze Suku 10 hotu-hotu traballadór ne'ebé CLN rekruta ne'e seidauk selu hotu, sira rekruta kada suku ida ema na'in-10," dehan António iha salaun sentru konvensaun baukau vila antiga, kinta (31/03).

Tanba ne'e, Xefe Suku na'in-10 liuhusi Postu informa ba Munísipiu to'o nasionál, maibé laiha rezultadu.

Nune'e, bainhira CLN la rejolve preukupasaun traballadór husi Suku 10 posibilidade bele impika fali ba Cesta Bázika faze segundu.

"CLN rekruta ne'e seidauk selu, horsida sira (traballadór) bele deskonfia osan sira ne'e dehan Postu mak han tiha iha dalan, tanba ne'e mak ami triste no lamenta to'o agora," nia argumenta

Iha sorin seluk, Xefe Suku Hae-Coni, Luis Oliveira, hatutan, hafoin CLN remata distribuisaun sesta bázika ba komunidade iha Suku Hae-Coni, parte Suku 10 hamutuk liuhusi Postu entrega kedas relatóriu ba Munísipiu to'o Vise-Ministru Adiministrasaun Estatál (MAE), maibé to'o ohin loron laiha rejultadu.

"Ema hatun no hein sasan iha ha'u nia Suku na'in-10 seidauk simu, sira dehan karreta ida ema na'in-6 hatun hetan US$25, ema na'in-4 ne'e hein, loron ida kalan ida ema ida hetan US$10, maibé to'o agora seidauk," nia afirma

Traballadór na'in-10 hein sasan sesta bázika iha Suku Hae-Coni kuaze fulan-ida.

"Nia osan ne'e ema hatun hasa'e ne'e hatumuk US$1.800," nia informa

Enkuantu traballadór hirak ne’e, kompostu husi Suku, Afaloikai, Alaua Leten, Alaua Kraik, Defawasi, Hae-Coni, Larisula, Lavateri, Samalari, Ossohuna no Uakala.

Kestaun ne’e, iha loron 01 fulan-Abril tinan-2022 parte dader, www.tempotimor.com tenta konfirma Xefi CLN Baukau iha servisu Adarai vila nova, maibé segúransa la hatan tama ba laran, tanba irarkia servisu, nune'e segúransa rasik tama ba laran hodi halo konfirmasaun no sai fali mai ho funsionáriu CLN destaka iha Baukau.

Funsionariu ne'ebé la temi naran, hatete, traballadór ba hatun no hein sasan iha postu Baguia ba Suku 10, rekruta husi CLN, maibé Governu mak selu.

"Atu selu osan sira ne'e, horibainhira sira fó hatene naran sira ne'e, osan iha tiha ona finansas sentral, tanba horibainhira xefe suku sira telefone ba ne'eba naran sira ba Dili ne'ebé prosesu iha ne'eba," nia haktuir

Nune'e, www.tempotimor.com husu funsionáriu refere atu hasoru Xefi CLN Munísipiu Baukau, maibé hatan, Xefi iha hela Dili.

Tuir informasaun husi funsionáriu katak, sasan sesta bázika ne'ebé fahe ba populasaun husi suku 10 iha Baguia, parte CLN mak halo distribuisaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter