Login to your account

Username *
Password *
Remember Me

Padre Manuel: Dom Basílio Laran Osan Mean ba Ema Ki'ak

Padre Parókia Santo António Baucau, Pe. Manuel da Silva Ximenes. Segunda (01/11). Padre Parókia Santo António Baucau, Pe. Manuel da Silva Ximenes. Segunda (01/11). Foto Tempo Timor

Tempotimor (Baukau)-Padre (Pe.) Paroku Parókia Santo António Baucau, Manuel da Silva Ximenes hatete, sarani katólika no uma kreda Timor laran lakon bibi atan di'ak hanesan Amu Bispu Matebian Dom Basílio do Nasimento, maibé lahatene ba futuru sei hetan bibi atan di'ak hanesan ne'e ka lae.

"Ita lakon ita-nia bibi atan di'ak, ita-nia aman di'ak, ne'ebé ita lakon boot, ha'u la hatene ba futuru ita hetan ema hanesan ne'e ka la'e, ema ida ne'ebé haraik-aan hatene adapta ba povu ida ne'e nia moris”, dehan Pe. Manuel iha igreja katedral vila Antiga Baukau, segunda (01/11).

Padre ne'e subliña, buat ne'ebé lakon mak matebian nia simplisidade, fuan hadomi ba ema hotu no fuan boot ba amu lulik sira hotu.

"Amu Bispu Matebian Dom Basílio do Nasimento ema ida ne'ebé hadomi tebes povu no sarani Baucau tomak, fó aan no serví sarani Baucau durante tinan 24 nia laran, tanba ne'e, hanesan sarani no Baukauoan, tenke fuan boot hodi halo sakrifísiu oinsá atu haloot Bispu nia mate isin ho di'ak," katak nia.

Durante tinan 24 matebian hanesan Amu Bispu iha Dioseze Baukau la taka matan ba ema kbiit laek sira.

"Hau kuñese nia, nia fuan aman, nia hadomi ema hotu, bainhira ema kiak sira mai, nia la taka odamatan, dere nia odamatan mós nia sempre fó apoiu”, dehan Amu.

Nia parte mós agradese ba sarani sira nia kontribuisaun no kolaborasaun atu simu mate-isin Amu Bispu Dom Basílio do Nasimento ne'ebé dadauk ne'e iha ona dalan husi Dili mai Baukau.(*)

Rate this item
(1 Vote)
Last modified on Wednesday, 03 November 2021 21:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter