Login to your account

Username *
Password *
Remember Me

Sarani Baukau Prepara Fatin Simu Mate Isin Dom Basílio

Pe. Vigário Parókia Katedral Santo António Baukau, Aderito Victor da Costa. Pe. Vigário Parókia Katedral Santo António Baukau, Aderito Victor da Costa. Foto Tempo Timor

Tempotimor (Baukau)-Padre Vigário Parókia Katedral Santo António Baukau, Aderito Victor da Costa, hamutuk ho sarani sira forma ona komisaun extraordináriu ida hodi oraniza fatin iha Katedral, nune'e aban simu mate-isin Amu Bispu Dioseze Baukau Dom Basílio do Nascimento.

"Hanesan Amu lulik no sarani sira sente triste no sarani sira voluntáriou fó an servisu hodi forma komisaun urjente hodi halo prepasaun lalais”, dehan Pe. Aderito ba midia sira iha Katedral Baukau, sábadu (30/10).

Preparasaun dahuluk mak dekorasaun fatin hodi rai bispu nia mate isin, seluk mak seguransa, tanba sarani sei partisipa entaun seguransa sei envolve husi Pólisia Nasionál Timor-Leste (PNTL) Munisípiu Baukau inklui guarda seguransa Dioseze nian.

“Serteza katak aban dadersan mai no ami sei mobiliza sarani hosi Parokia Villa antiga no Vila Nova atu simu mate-isin Dom Basílio  do Nascimento," Padre ne'e informa.

Kona-ba sarani sira husi parókia seluk no dioseze Dili no Maliana mai, komisaun sei prepara fatin deskansa nian hanesan tenda no kadeira iha área  Igreja Katedral durante omejen ikus ba Dom Basílio.

Enkuantu loron funerál  ba matebian Bispu dioseze Baukau, Dom Basílio do Nascimento rasik sei hein Padre Vigáriu Dioseze Baukau sira, nune'e liuhusi enkontru mak deside loloos loron funerál Dom Basílio do Nascimento nian. (*)

Rate this item
(0 votes)
Last modified on Saturday, 30 October 2021 17:49
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter