PR Lú Olo Triste Loos Tanba Udan Taka Sedu Diálogu

Udan tun iha baukau mais ou menus iha tuku 11:58 OTL, partisipante dialogu ho Prezidente Republika hahu hamriik husi sira nia tuur fatin iha tenda ne'ebe komisaun organizadora prepara iha resintu Administrasaun Munisipal Baucau, Kinta (17/12) Udan tun iha baukau mais ou menus iha tuku 11:58 OTL, partisipante dialogu ho Prezidente Republika hahu hamriik husi sira nia tuur fatin iha tenda ne'ebe komisaun organizadora prepara iha resintu Administrasaun Munisipal Baucau, Kinta (17/12) Foto Tempo Timor

Tempotimor (Baukau)- Prezidente Repúblika Francisco Guterres Lú Olo sente triste tanba preokupasaun pou Baukau nian la konsege responde, tanba forsa udan nian taka sedu de’it diálogu ne’e.

Tuir loloos PR Lú Olo sei hakarak atu responde preokupasaun povu Baukau, maibé natureza mak hapara diálogu ne’ebé ho tema “Dada lia ho Lú Olo ho diálogu sei hetan solusaun ba problema ne’ebé de’it,”.

“PR ho laran susar oituan, maibé ha’u haksolok nafatin hodi simu ita-boot sira-nia preokupasaun sira, hodi lori ba governu,” PR Lú Olo hateetn ba povu Baukau iha momentu ne’ebé udan maka’as ona, Kinta (17/12).

Ho situasaun ne’ebé akontese, PR lú Olo garante ba povu munisípiu Baukau katak, sei hato’o ho resposta eskritu, depois enkamiña ba Primeiru Ministru (PM) Taur Matan Ruak ho nia membru sira.

“Ha’u hakarak garante ba ita-boot sira hotu katak ida-idak ninia perguntas ne’ebé imi hato’o mai, prezidénsia da repúblika sei rejistu hotu depois sei halo relatóriu kompleta ida hodi hato’o ba PM no ninia membru governu sira hotu kona-ba Baukau ninia kondisaun sósio-ekonómiku ne’ebé ohin aprezenta,” Lú Olo dehan.

Iha fatin hanesan, Xefe suku Ahekoni Luis de Oliveira hateten, diálogu ohin ne’e di’ak tebes, maibé tanba udan entaun labele responde saida mak povu hato’o tiha ona.

“Labele responde ami-nia preokupasaun sira ne’ebé ohin ami hato’o tiha ona, tanba udan, entaun para ona, ita labele obriga PR atu responde. Maibé tuir ha’u-nia hanoin de’it katak, buat sira ne’e akontese tanba dalaruma ita la halo vizita ba ita-nia matebian sira no eroi sira, entaun bele fó dalan hodi buat sira ne’e akontese,” nia dehan.(*)

Rate this item
(0 votes)
Last modified on Thursday, 17 December 2020 16:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks