Trajédia Lahane, Arguidu MJ Hatán Ona Iha TDD

By Tempo Timor June 08, 2021 759

font size decrease font size increase font size
Print
Email

Ilistrasaun Pistola Foto Google

Tempotimor (Dili)-Liga ba trajédia Lahane ne’ebé hamate ema na’in rua no ida kanek grave maka Tribunal Distritál Dili (TDD) hahú halo interogatóriu dahuluk ba arguidu ho inisiál MJ ligadu ho aktu krime omesídiu ne'ebé nia komete iha Aldeia Ainitas Hun, Suku Lahane Osidentál, Postu administrativu Vera Cruz.

Tuir observasaun www.tempotimor.com iha terenu nota, arguidu MJ to'o iha resintu Tribunal Distrital Dili (TDD) tuku 13:55 lorokraik oras timor-leste

Enkuantu, arguidu hetan akompaña husi membru Polisia Siéntifika Investigasaun Kriminál (PSIK), sira ho armas estadu no povu nian.

Alende ne’e, informasaun seluk ne'ebé www.tempotimor.com asesu katak, ohin tersa (08/06), tribunál sei deside MJ nia destinu hodi hatán ba aktu ne'ebé nia komete.

Arguidu MJ ne’ebé dadaun ne’e iha ona sala interogatóriu ne’e nu’udar membru ida husi Instituisaun Polísia Nasionál Timor-Leste, ne’e uza armas povu nian hodi hakotu joven Camilo de Deus no veteranu Mateus de Deus ni vida no hakanek Januário Pereira ho bala musan. Entretantu trajédia ne’e akontese iha Sábadu (05/06), maizumenus tuku 2:00 madrugada.(*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com