Tempotimor (Dili)-Prezidente Tribunal Rekursu (PTR), Deolindo dos Santos hatete, juis sira inklui Prezidente Tribunál rasik sei labele pronúnsia kazu droga ne'ebé deskonfia komete husi sidadaun na'in-9 tanba lei la permite (bandu) bainhira kazu rasik iha rekursu nia laran.

Tempotimor (Dili)-Prokuradór Jerál Repúblika (PJR), Alfonso Lopes esplika, kazu sidadaun na'in-sia ne’ebé komete Droga iha primeiru Interogatória Tribunál Distritál Dili (TDD) deside aplika Termu Identidade Rezidénsia (TIR) seidauk finál, tanba sei kontinua julgamentu.

Tempotimor (Dili)-Estudante Atevista Diretu Umanu husi Asian Justice And Right (AJAR) lamenta ho desizaun Tribunál Distritál Dili (TDD) ne'ebé hamamar arguidu hamutuk na'in-9 ne'ebé envolve iha kazu droga.

Tempotimor (Manatuto)-Tenente Jenerál Reformadu Lere Anan Timur prefere, Tribunál Distritál Dili (TDD) aplika Prizaun Preventiva ba arguidu na'in-sia (9) ne'ebé mak konsumu droga iha Timor-Leste, tanba kazu ne'e akontese hanesan Prizioneiru Afuku nomós Matebian Juga Gama.

Tempotimor (Dili)-Primeiru Ministru (PM), Taur Matan Ruak, konsidera desizaun Tribunál Distritál Dili (TDD) hodi aplika Termu Identidade Rezidénsia (TIR) ba arguidu na’in-sia (9) ba kazu droga ne'e nu’udar kestaun justisa nian, tanba ne'e laiha komentariu ba ida-ne'e.

Tempotimor (Dili)-Front Mahasiswa Timor-Leste (FMTL) kontra desizaun Tribunál Distritál Dili (TDD) ne'ebé aplika medida koasaun Termu Identidade Rezidénsia (TIR) ba arguidu na'in-sia (9) ne'ebé deskonfia envolve iha kazu ilísitu ba droga iha Timor-Leste.

Tempotimor (Dili)-Ministériu Públiku (MP) foti desizaun entrega hikas karreta sukata hamutuk 138 ba kompaña Timoroan hamutuk 13 servisu hamutuk sosa husi nasaun Austrália hatama mai Timor-Leste iha fulan-Maiu.

Tempotimor (Dili)-Parlamentu Nasionál (PN) iha loron tersa (26/04) fó autorizasaun ba deputadu Bankada Partidu Demorátiku (PD), António da Conceição ‘Kalohan’, atubele hatán ba kazu produz Masin Atabae iha Tribunál Distritál Dili (TDD) tuir kalendáriu ne'ebé determinadu.

Ba autorizasaun no levantamentu imunidade deputadu Kalohan nian ne'e Parlamentu Nasionál hala'o liuhusi votasaun sekretu ho ida ne'e deputadu hamutuk na'in-49 mak vota afavor, na’in-haat vota Absteinsaun 4, no na’in-4 kontra, Nolu 1 inklui deputadu hamutuk na'in 7 mak aujente.

“Husi rezultadu ne'e, meza suspender mandatu Deputadu António da Conceição iha loron ne'ebé tuir audénsia julgamentu”, dehan Prezidente PN, Aniceto Longuinhos Guteres Lopes, hafoin anúnsia rezultadu aprovasaun ba relatóriu pareser kona-ba pedidu suspensaun mandatu Deputadu Antóninio da Conceição ‘Kalohan’ iha plenária PN, tersa (26/04).

Relatóriu pareser ba pedidu suspensaun ne'e rasik kria no aprova husi Komisaun A trata asuntu Justisa no Konstituisionál, tanba simu orientasaun husi Prezidente PN, Aniceto Longuinhos Guterres Lopes bazeia ba notifikasaun husi Tribunál Distritál Dili.

Ba levantamentu imunidade ne'e, Deputadu Bankada PD, António da Conceição ‘Kalohan’ hatete, kona-ba Parlamentu hasai imunidade ba nia tanba bazeia ba notifikasaun husi Tribunál.

Husi Tribunál nia notifikasaun ne'e ligadu ba prosesu aprovizionamentu no fó kontratu ba kompaña hodi halo atividade produsaun Masin iha Atabae, no konsidera halo atividade ida ne'e ho objetivu atu hola partisipasaun ekonómika.

Kazu ida ne'e akontese kleur ona, iha altura ne'ebé nia tuir hela julgamentu ida iha Tribunál, ligadu ho kazu ne'ebé akontese durante nia mandatu nu’udar Ministru Komérsiu no Indústria (MKI).

“Kazu diferente husi ida ne'ebé mak agora ha’u tuir julgamentu ne'e ba ekipamentu industria, agora ida ne'e ligadu ba Masin Atabae, ne'ebé iha akuzasaun dehan ha'u halo atividade ida ne'e ho objetivu partisipasaun ekonómika. Ah julgamentu sei mai, maib’e presiza foti imunidade atu ha'u bele ba hatan”, dehan nia.

Ho kazu produsaun mina masin loos duni kazu ida ne'ebé mak dekore, maibé loloos ne'e nia la'ós autór prinsipál ida, tanba altura ne'eba nia muda tiha ba asume kargu nu’udar Ministru Edukasaun.

"Ha'u ejerse tiha ona ha'u-nia papel hanesan Ministru Edukasaun, kuandu planu ida halo masin Atabae. Loos inisia nu’udar prioridade ne'ebé mak ha’u hanesan Ministru halo para dezenvolvimentu industria iha Timor ninian, maibé ha'u la konsege halo kontratu e la konsege halo aprovizionamentu tuir filafali atu saida tanba ha’u muda tiha ona”, esplika nia.

Dadauk notifinasaun ne'ebé haruka ba nia ne'e hanesan arguidu maibé nia prontu atu ba hataan, tanba haree ba akuzasaun husi nia kolega Ministru ne'ebé mak troka nia iha momentu ne'ebá, katak nia (Kalohan) mak fó kontratu ba kompaña ne'e tanba sira partidu ida, maibé ministru ne'e mós haluha tiha katak nia mak halo kontratu inklui halo pagamentu ba kompaña ne'e.

"Ha'u simu mak ida proposal bara-barak ne'ebé halo hanesan para hodi deside la'ós fó kontratu, e seidauk mós halo prosesu osan ne'e”, afirma nia.

Maske kazu ne'e levanta, maibé nia sente katak ida ne'e mak di'ak liu atu nune'e bele ba klarifika liliu prosesu klarifikasaun ne'e dalan mak tenke ba tribunál.

"Hau labele hakerek surat atu fó justifikasaun babain de'it atu halo defeza de onra iha Parlamentu ne'e, ha'u tenke ba tribunál, ne'e mak ohin foti imunidade ne'e”, afirma nia. (*)

Tempotimor (Dili)-Adjunta Prokuradora-Jerál Repúblika, Remizia de Fátima hatete, Ministériu Públiku (MP) haruka ona kazu, Francisco Kalbuadi Lay ba Tribunál no hein dezignasaun ba julgamentu iha Tribunál Distritál Dili.

“Kona-ba kazu señor Kalbuadi nian, ne'ebé señor ne'e agora fila mai iha Timor e depois ami notifika ona, prosesu agora haruka ba Tribunál e hodi hein designazaun ba julgamentu karik husi tribunál ninian, tanba prosesu ami remete tiha hotu ona ba tribunál”, dehan nia hafoin hasoru malu ho Prezidente Repúblika, Francisco Guterres ‘Lú Olo’, iha Palasíu Prezidensiál Bairopite, segunda (28/03).

Nune'e Prezidente Repúblika Lú Olo hatete, prosesu kazu Kalbuadi entrega ba Tribunál hodi halo julgamentu, wainhira sala tenke asume responsabilidade ne'ebé iha.

“Ha'u hanoin hanesan baibain Prezidente ida ne'e prosesu ne'ebé mak la'o e depois entrega ba Tribunál wainhira julgamentu ita haree, karik nia sala tenke asume responsabilidade ne'ebé nia iha, se nia la sala entaun konforme deside tuir lei, ha'u hanoin ida ne'e mak nia fó hanoin”, haktuir nia.

Relasiona ho kazu ne'ebé Kalbuadi depois mak sei rona husi Tribunál Rekursu, maibé prosesu sira ne’e entrega hotu ona ba Tribubnál atu deside hodi halo julgamentu.

“Ha'u hanoin ida ne'e mak orsida rona husi tribunál tanba prosesu ne'e ami foin remeta ba iha Tribunál wainhira nia fila mai, ami notifika nia iha loron ne'ebá e ami remete kedas ba tribunál, tanba akuzasaun preparadu tiha ona, tanba nia ba liur depois nia mai ami notifika, ami notifika e haruka tiha ona ba tribunál, taun ita hein de'it desizaun Tribunál ninian wainhira mak atu deside julgamentu”, esplika nia.

Prezidente Tribunál Rekursu, Deolindo dos Santos hatutan, kazu ida ne'e seidauk bele dehan ba públiku tanba sei iha primeira instánsia seidauk to'o Tribunál Rekursu.

“Ida ne'e  ha'u seidauk hatete ba ita-boot sira, tanba buat ne'e iha primeira instánsia, see akuzasaun tama karik, nia iha primeira distánsia, ne’e so tribunál primeira instánsia sira mak hatene, juiz ida prosesu iha ne'e, presiza tama tribunál karik, juiz ida kaer prosesu ne'e depois nia mak marka loron julgamentu, depois bainhira to'o tempu mak nia bele ba to'o Tribunál Rekursu, mais primeiru ne'e sei iha tribunál Dili, se kazu tama ona karik, ne'ebé nein konsellu, nein Prezidente atu ba hatete ba juiz o marka loron hanesan ne'e ona ga?. Ne'e la bele, tanba ne'e independente kada juiz ida ninian ne'ebé mak kaer prosesu ne'e rasik”, informa Deolindo.

Maske ida ne'e preokupasaun ema hotu nian, maibé Prezidente Tribunál Rekursu, Deolindu dehan kazu ne’e husik ba la'o tuir nia forma rasik ne’ebé tuir lei hatete.

“Ha'u fiar katak ne'e preokupasaun públiku nian, mais depois ita husik buat ne'e la'o ho nia forma rasik ne'ebé ke tuir lei hatete, depois ita to'o iha ne'ebá ita sei hatene desizaun ne'e halo nusá”, deklara nia. (*)

Tempotimor (Díli)-Portavoz Família Soares, João Soares konsidera Rekerente Alzira Ximenes aprezenta dokumentu falsu ba Tribunál Rekursu (TR) hodi husu Tribunál Distritál Dili (TDD) halo ezekusaun ba rai kuaze luan rihun-21,000 iha Aimutin semana hirak liu ba ne'ebé konsege estraga família Soares nian sasán barak la aproveita.