Tempo Timor - Kanal Notisia, Husi imi ba imi

Switch to desktop Register Login

Tempo Timor

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

Website URL: http://www.tempotimor.com

Image result for Lere Anan Timur

Hafoin enkontru ho Presidenti da Republika Maijor General F-FDTL, Lere Anan Timur hato’o ninia pontu de vista kona ba situasaun iha nasaun ne’e. Aleinde kona ba situasaun segurança maibe mos,”ami koalia liuliu konaba situasaun impase polítika ne’ebé lao iha ita nia rai laran. Hau hatete ba Sr. Prezidente-da-Repúblika katak, primeiro Ministru, Prezidente-da-Repúblika uja imi nia kompetensia tuir lei haruka, uja de’it! Uja de’it kuanto forsas Armadas, ami apoio nafatin imi nia desisaun”.

General ida ne’ebe bainbain du’un ba jovens sira maka fumenta líder antigu sira han malu ne’e ohin dehan, “impase polítika ne’ebé agora daudaun la’o ne’e laos joven sira mak halo, ita nia lider sira atual, lider maximu, katuas sira fuk mutin sira mak halo, apartir husi ita nia maun Xanana, Mari, Lu, Taur, sira nee mak agora lidér, ne’ebé que hamrik iha povu nia oin. Uluk ita dehan katak libertar a patria libertar o Povu, be impase polítika ida nee ita bele liberta ita nia povu husi kiak? Hau hanoin katak la iha e la dificil ita buka malu dialogu, to’o konkluzaun ida, mas ida-idak radikaliza nia posisaun laos tamba de’it ema nain 9 ema nain 8 mak ema milliuan ida nee atu terus ba sira ida nee injustiça nee, injustiça!.”

“Ita nia asuwain sira ne’ebé mate ona ne’e mos labele mate folin laek tamba deit sira nain walu ou nain sira, prosesu ne’e tenki la’o ba oin nafatin, para ita hotuhotu bele hatene katak ohin loron, Timor , povu Timor, emprezariom, hotu-hotu moris ho orsamentu estadu ninian, se agora orsamentu estadu paradu, sein duvida que vida nasaun mós para, hanesan ran ida karik la halai, porexemplu Policia komesa tau problema, mina la iha, osan la iha ba hahan, forsas mos hanesan nee, mina la iha kareta atu halai, ohin dia-11 ona forsas seidauk simu osan ransu ninian buat sira nee hotu, mas hau bele dehan katak , ami militar nee, ami bele desaraska ne’e, desaraska para liuliu forsa sira nee labele hamlaha. Mais importante liuliu mak hau husu ba ha’u nia maun boot sira nee kompreinde malu buka dialogu, hatur ezemplu diak ida, agora nee, para futuru mai ita nia jerasaun foun sira ne’e bele hamrik iha buat diak ne’e atu lori ita nia nasaun ne’e ba oin, ita lakohi ita nia nasaun nee monu ba krize ruma, ne’e mak ohin ami nain rua Prezidente koalia hau dehan katak konta nafatin ho ami forsas Armadas, saida de’it mak estadu desidi, Prezidente nu’udar komandante supremu forsas Armadas, primeiro Ministru nu’udar Xefe do Governu, toma imi nia kompetensia desidi tuir konstituisaun haruka, ita la depende ba ema ida, uluk funu 24 anos hatudu ona, povu Timor-Leste nia brani nia matenek, funu 24 povu Timor no FALINTIL la depende ema ida, depende ba nia forsa, depende ba nia kapasidade, agora mos hanesan nee, ita tenki depende ba ita nia-an e lori nasaun ne’e ba oin, ita lakohi Timor ne’e monu tan ba krize, e forsas Armadas prontu kumpri serbisu ne’ebé ita nia estadu fó, prontu 24 oras, bele hamlaha, bele kareta la iha, bele kilat la iha mós prontu nafatin So kuando moras mak la’o labele entaun la’o labele ona”.

“Husu kumpriensaun ba ita nia maun boot sira, buka dialogu, ida nee importante liu, ne’e ha’u nia mensagem mak ida ne’e”.

Komandante General F-FDTL ne’e mos komenta kona ba Parlamentu Nasionál ne’ebe la fo votus apoia ba Prezidente-da-Repúblika nia viagem ba Portugál.

“Hau nia hanoin la’os kontra ema ida, ohin loron ne’e sira argumenta dehan katak impase polítika tamba governu la forma, mas governu forma daudaun ona, be ohin konsellu de Ministrus, uluk mós konsellu Ministrus reuni ne’e mak foti, propoin Brigadeiro Meno ba Ministru defeza, falta membrus balu que la kompleta ne’e, la kompleta mas Governu forma tiha ona, agora kestaun mak apresenta programa, ida ne’e mas ema sira polítika sira ne’e polítiza buat hotuhotu. Ba hau ne’e hau dehan, governu forma tiha ona, primeiro Ministru iha ona, gabinete sira iha ona, ida bele akumula rua tolu mós governu nafatin, se primeiro Ministru la iha karik ne’e mak ita dehan governu seidauk forma”, dehan Lere.

Nia hatutan nakonu ho perguntas dehan, “agora Ministru mós balu iha ona, Sekretario Estadu mós balu iha ona be saida mak seidauk iha? Tamba sira nain hat ka lima ne’ebé deskonfiado dehan naok osan ne’e, ida ne’e mak halo falta governu? la falta ida, governu la falta ida, ita mak hakarak polítiza e ita nia povu labele terus tan ba buat sira nee”.

Nia esplika katak, “kanselamentu Prezidente ba Portugál ita dehan katak polítika diplomatikamente iha reflexu negativu, porque ne’e segunda vez, primeiro uluk nia kansela tiha tamba situasuan eleisoens buat sira nee hotu, agora kansela tan, mas portugal hau hanoin katak la iha problema ne’e. Ita nia aliansa ita nia maluk desde 500 anos, agora ne’e hau hanoin sira la lori ba lia, mas agora ne’e ita matenek Timor oan sira ne’e mak tenki kumpreinde, labele justifika katak governu seidauk forma, keta sira hare de’it ba Parlamentu karik, ami ne’ebá ne’e ha’u hare ba governu, governu forma tiha ona, primeiro Konsellu Ministru halo tiha ona, agora daudaun halo tan segundo konsellu Ministru, be agora saida mak falta ? agora osan mak falta ne’e, osan mak falta, hau la fiar katak governu agora ne’e la apresenta programa ate dia 22 fulan ida ne’e. Hau hanoin katak iha tres kuatru dia sira apresenta programa, apresenta tiha programa sira ba orsamentu entaun quer dizer governu iha nee. Dala ruma iha apresentasaun orsamentu mak dala ruma iha dificuldades oituan ne’e tamba membrus governu buat sira nee hotu, maibe depende kapasidade mos ita nia primeiro Ministru ninian e membrus sira ne’ebe que haleu primeiro Ministru, ne’ebé hau dehan katak parlamentu hau la iha kompetensia too ne’eba maibe imi husu, hau dehan governu formadu ona, ema ida la justifikasaun governu seidauk formadu”. 

“Apella ba ita nia povu, povu balu dehan Aileba, povu kiak no Ain-tanan sira, ita nia povu nee nia interese nee hakarak moris di’ak e buat hotu hotu ne’ebé ita nia polítika sira halo iha kampaña imi hein mak ida nee, imi labele hein buat seluk, uluk laos bolu imi ba halo manifestasaun no demostrasaun halo muturabu buat sira nee hotu. Uluk promete ba imi, katak ami kuando ukun, ida nee, ida nee ami sei trata entaun hein deit mak ida nee”.

“Ita nia nai ulun sira fiar, tamba se mak agora ita nia nai ulun sira laos ema seluk, maun Taur, Maun LúOlo, maun Mari, Maun Xanana Maun Ramos Horta, sira nain lima nee mak ita nia lidér nao me digas sira hakarak nasaun nee nia at ne’e ha’u la fiar, hau pelumenus 100% konfiansa ba sira nain limam tur hamutuk sei buka dalan di’ak ba dezenvolvimentu”.

“Lidér nain lima tenki halo dialogu, komunika malu, rona malu, ida nee de’it, dialogu ne úniku, buat ida di’ak liu fali dialogu ne’e la iha, ida manifestasaun nee nia konsekuensia iha mas dialogu nee ita tur hamutuk, uluk ailaran, ida-idak kaer nia kilat mas kuando iha problema, ami tur hamutuk halo dialogu, e ami la tiru malu, agora nusa mak labele."

Hatan kona ba perguntas karik impasse politika entre governu ho Presidenti da república ne’e bele kauza instabilidade ba nasaun General Lere dehan, “la afeita ida, afeita ba instabilidade governamental ne’e bele mas dehan buat seluk nee, hau dehan katak la iha”.

  

Comment

Estadu TL Tenke Reve Investimentu ENSUL MECI

Published in Ekonomia

 Eis primeiru - ministru, Kay Rala Xanana Gusmaão hamutuk ho fundador ENSUL Engenharia, António Couto halo lansamentu fatuk dahuluk ba investimentu ENSUL nian atu hari uma andar 10 iha rai Kolmera iha tinan 2013, maibé to’o oras ne’e seidauk akontese.  

DILI – Empreza nasional hamutuk 10 ne’ebe halo sub – arendamentu rai ba ENSUL MECI iha área Colmera, Dili ezije ba Estadu Timor – Leste liliu ba governu foun atual hodi halo revizaun ba akordu investimentu ENSUL MECI nian, tanba desde lansamentu fatuk dahuluk iha tinan 2013 to’o oras ne’e seidauk halo edifisiu ida andar 10 iha rai Colmera ne’e rasik. 

Iha tinan 2009, kompañia ENSUL MECI asina akordu ida ho governu Timor – Leste (TL) atu halo investimentu ida iha área imobiliariu nian ho ho valor US $ millaun atus ida resin atu halo edifisiu ha’at (4) ho andar 10 ba leten iha rai Estadu nian SAPT Kolmera, Dili. 

Akordu ida ne’e klasifika sijilu ka públiku labele hatene no asesu, diferente ho akordu invesmentu kompañia internasional sira seluk hanesan HEINEKEN no TL Cement ne’ebé públiku bele hetan asesu. Nune’e, tuir fontes balun haktuir katak iha faze dahuluk sei hari’i edifisiu ida ho andar 10 ho nia valor osan US $ 18.000.000,00 no atu fó serbisu ba Timoroan hamutuk nain 1000 resin, maibé to’o oras ne’e laiha rezultadu, tanba edifisiu ho andar 10 mós seidauk eziste no traballador lokal iha área ne’e mós la to’o 1000 resin.  

Signifika realidade oras ne’e hatudu oin seluk. Liu tiha ona tinan 9 no edifisiu ida la hamrik desde lansamentu fatuk dahuluk iha tinan 2013, timoroan sira ne’ebé serbisu iha fatin ne’e la to’o 100. Investor internasional ne’e la kumpri ona saida mak asina ho governu iha tinan 2009, maibé halo fali investimentu iha área ne’e hanesan fa’an kareta (Entrepost), loke supermerkadu (Pateo), Dili Square no seluk tan. Informasaun balun mós alega katak ENSUL durante tinan 10 ona la selu osan ruma ba Estadu, maibé hetan fali benefisiu fiskal lubuk ida hodi ezekuta fali projetu públiku sira hanesan halo hospital referal Baukau no seluk tan durante ne’e iha TL. 

Tama ba tinan 2016 bainhira seidauk iha demolisaun ba área ne’e no seidauk halo investimetu real state nian ida iha rai SAPT, ENSUL liu hosi empreza ida naran CFT fó ona ba empreza timoroan sira aluga ho folin ne’ebé la haktuir iha Lei Subarendamentu artigu 17/2004 ba propriedade privadu Estadu nian. Tuir lei RDTL katak subarendamentu ba rai propriedade Estadu nian persija hetan koñesimentu no autorizasaun eskrita ida hosi Ministériu Justisa, ho valor ne’ebé nunka bele a’as liu valor orijinal ne’ebé arenda ba Estadu, realidade mak loja ki’ik oan ida ho área 2X3m aluga ho folin US$ 750.00 kada fulan no área bo’ot balu bele liu US$ 7.000 kada fulan. 

Deskonfia mós katak akordu espesial investimentu ne’ebé governu RDTL liuhosi Ministru ba Ekonómia no Dezenvolvimentu (MED), João Mendes Goncalves iha IV governu konstitusional asina ho ENSUL MECI laiha transparansia no viola Lei RDTL lubuk ida. Iha V governu konstitusional liuhosi Sekretaria Estadu Apoiu no Promosaun Setor Privadu (SEAPRI) haruka atu hapara akordu espesial investimentu ne’ebé eziste no expulsa investor internasional ne’e tanba laiha kapasidade finanseiru bainhira ENSUL MECI deklara bankarota (Bankrupt) iha Portugal no tenta halai hosi obrigasaun fiskal lubuk ida no la kumpri lei lubuk ida iha Timor – Leste, maibé bainhira governu remodela iha tinan 2015, TradeInvest la haktuir suspensaun ne’e. 

Hosi parte empreza timoroan sira ne’ebé oras ne’e aluga hela fatin balun hodi hala’o negósiu ba deklara iha Eletrisidade Timor – Leste (EDTL) katak standard ne’ebé ENSUL MECI aplika ba iha sistema kobransa eletrisidade la tuir standard EDTL nian. Loja ki’ik oan to’o boot balun ne’ebé nia konsumu enerjia eletrisidade ki’ik oan hela, ENSUL MECI orbiga liuhosi kontratu, hodi implementa tarefa máxima ka trifase ho valor $0,24/Kwh. 

Historikamente, iha tinan 2009 ENSUL Engenharia, S.A. hetan aporvasaun hosi governu liuhosi reuniaun Konsellu Ministru sira kona - bá arendamentu rai ho nia luan 22.635,00m2 iha kedas sidade Dili nia fuan laran, no tama ba tinan 2013 kuartu governu konstitusional ne’ebé lidera hosi primeiru - ministru, Kay Rala Xanana Gusmão halo lansamentu fatuk dahuluk (primeira pedra) ba rai ne’e, tanba ENSUL promete ba governu Timor - Leste katak sei halo investimentu ba rai ne’e ho valor osan hamutuk US $ millaun 18, maibé to’o oras ne’e seidauk iha buat ida. Iha mak rehabilita ka pinta de’it ruko oan sira iha rai ne’e nia laran. 

Bazeia ba informasaun balun ne’ebé Tempo Timor asesu katak, hafoin asina kontratu ho governu Timor - Leste, empreza ENSUL la’ós halo investimentu, maibé halo fali subarenda rai ne’e ba CFT, nia baze iha Luxemburg. Empreza sira ne’e rejista iha Luxemburg.  

“Ida ne’e mak problema. Sira la investe ida. Sira aluga fali ba ita Timoroan sira ho valor a’as tebes. Tanba sira laiha baze legal ruma, ami deseidi hodi suspende tiha pagamentu ne’e, no hein esklaresementu hosi ENSUL,” hatete nain ba empreza Harmony Fitnes Center (HFC), Sidalio Reis liuhosi konferensia imprensa iha Colmera, Dili, Tersa (10/07).  

Empreza nasionál HFC mós aluga tutan rai ne’e hosi Central Sociedade Comercial, S.A (CSC, S.A), no kada fulan selu arendamentu ba ENSUL ho montante US $ 8.000. 

“Ami ezije ba governu atual tenke halo revizaun ba akordu investimentu ne’e ka pelu – menus tenke halo netik avaliasaun ba akordu investimentu. Kuandu mosu violasaun ruma iha akordu ne’e, entaun governu tenke foti desijaun ruma ba situasaun ne’e, tanba ami emprezariu timoroan sira mós iha kapasidade hodi bele halo modelu investimentu hanesan ne’e,” esplika Sidalio. 

Emprezariu Timoroan ne’e relembra katak Governu Timor - Leste halo kontratu ho ENSUL kona - ba utilizasaun rai ho nia luan aproximadamente 22.635,00m2 iha sidada Dili nia fuan  ho kondisaun katak se eziste investimentu global ida ho valor osan US$ millaun 18 hodi hari Colmera Business Center mak to’o oras la eziste. 

Tuir dokumentu kontratu entre CSC, S.A ho investidor nasionál sira ne’ebé Tempo Timor iha katak, kompañia ne’e mak sai nu’udar jestor prinsipal ba empreza ida seluk ho naran Compagnie Financiere Terria S.A. (CFT S.A), maibe ENSUL Engenharia, S.A. nia naran la eziste iha kontratu ho investidor nasionál sira. Iha parte seluk, Governu mós la rekoñese empreza CFT S.A nu’udar kompañia ne’ebé aluga rai hosi Estadu Timor - Leste, maibé rekoñese de’it empreza ENSUL Engenharia, S.A. Maibé, empreza CFT S.A. halo fali sub-arendamentu rai ne’e ba empeza nasionál sira ho valor ne’ebé superior hosi kontratu arendamente entre ENSUL ho governu. 

Tuir portal Luxembourg Business katak, empreza CFT S.A. rejistadu nu’udar company incorporated iha Luxembourg ho númeru identifikasaun mak B46567. Empreza ne’e inkorpora iha 1994 - 02 - 10, entaun idade empreza ne’e kuaje besik tinan 24.3 ona ho tipu nu’udar Société Anonyme (S.A), no enderesu rejistrasaun mak 24, Rue Saint - Mathieu L - 2138  Luxembourg. Empreza ne’e mós iha nia sukursal iha Portugal, iha R. Elvira Velez, Torre A3 R/C Loja 4/C. 2825-485 Almada. 

“Atu rehabilita ka pinta de’it ruko oan sira ne’ebé mak oras ne’e eziste hela desde Portugues nia tempu, kompañia Timoroan barak mós prontu ona hodi halo. Ida ne’e la persija empreza internasional,” esplika emprezariu timoroan ida atual nain ba Divita Group, Fernando da Silva ne’ebé sujere ba governu foun persija halo revizaun ba kontratu arendamentu rai ho empreza ENSUL MECI iha tinan hirak ba kotuk.      

Empezariu ne’e hatutan, lei propriedade katak subarendamentu nia valor labele a’as liu arendamentu ho governu, maibé realidade hatudu katak investidor nasionál sira ka kompañia nasionál sira durante tinan barak ona selu arendamentu rai ne’e ba empreza CFT S.A ho valor osan ki’ik liu mak US $ 1200 to’o boot liu mak US $ 6700. 

Entretantu, antes ne’e fundador empreza ENSUL Engenharia Timor - Leste, António Simões Marques Couto hatete, Dili Financial Business Center (DFBC) ka Centro de Negócios e Finanças de Díli nunka paradu, tanba konsege investe ona no harii obra eselénsia ida iha nasaun ne’ebé sai nu’udar orgullu ba ema hotu.

Coutu mós Konsul Honorário Repúblika Demokrátika Timor-Leste ba Porto, Portugal hatutan liu hosi nota eskrita ba Tempo Timor katak, projetu ida ho ambisaun hanesan propoin ona, nunka hala’o iha Timor no tanba ho motivu ida - ne’e eziste dezafiu boot ne’ebé sei hakat liu, hanesan mós hakat liu hirak ne’ebé iha pasadu, nu’udr ezemplu, dezeñu projetu hotu ne’ebé tenke halo melloria no adaptasaun hodi inklui aumentu iha estasionamentu (problema ida ne’ebé la eziste iha tinan 10 iha Dili), respeita padraun a’as liu kona - bá ambiente, seguransa no enerjia hodi ajusta karaterístika sidade Dili nian rasik.

“Iha projetu, DFBC, mak naran hosi projetu ida-ne’e nian iha ámbitu akordu espesiál investimentu nian ne’ebé asina ho Estadu Timor - Leste, grupu empreza ida ne’e, nunka paradu, pelu kontráriu, investe ona no harii eselénsia ida iha nasaun ne’ebé sai nu’udar orgullu ba ema hotu,” hatete Couto via esplikasaun eskrita ba Tempo Timor iha Dili, Kuarta (30/05).

Couto hatutan, iha konstrusaun faze dahuluk nian, hahu ona iha tempu kleur liubá, hakat liu ona obstáklu sira hanesan falta ekipamentu iha rai laran ba tipu fundasaun projetada (solusaun dahuluk - “estaka moldada”, solusaun daruak- “estaka kravada” no solusaun dahikus ne’ebé adota mak - “Floresta mikro - estaka”), inezisténsia grua sira ho kapasidade, ka kofrajen espesífika. Ekipamentu hirak-ne’e hotu hola, no agora halo parte hosi solusaun ne’ebé aselera hela velosidade konstrusaun edifísiu dahuluk ne’ebé bolu Business One, iha ne’ebé sei fornese ba kliente sira ne’ebé buka edifísiu ne’ebé ho padraun no kualidade a’as tebes. (Oki) 

Comment

 

DILI – A member of the New Zealand military Wing Commander Kerry McKee has speculated on the process of forming a new government in Timor-Leste that a coup would occur because according to Kerry that Major General Lere Anan Timur, the General Chief of Staff of the Defense Force and Brigadier General Filomeno Paixão did not has a good relationship with the prime minister Taur Matan Ruak. 

Major General Lere Anan Timur, the General Chief of Staff of the Defense Force, explained the statement of the New Zealand ambassador to Timor-Leste that this speculation is personal, not represent the State of New Zealand and the embassy itself has been dismiss of this person from his mission in Timor-Leste.

"The situation is yesterday New Zealand ambassador with his attaché has come to apologize to us. For me, I do not bother about this matter but public opinion is so sophisticated that everyone in the world has heard, "Major General Lere told the reporters after having a meeting in the presidential office.

Earlier, commander McKee speculated that there would be a coup in this new government because of the relationship between Major General Lere with the prime minister Taur Matan Ruak and Bigadir General Filomeno Paixão not good.

Major General Lere considers the colonel Kerry's speculation have an impact on the domestic economy.

"Word coup could have an economic impact on the country because international investors are afraid to come to invest in Timor".

"We've never had a problem because I have no divergence of ideas with prime minister and brigadier general Filomeno Paixão who will be sworn in as defense minister in the near future".

However, Major General Lere added that the issue does not affect bilateral cooperation between the two countries, Timor - Leste and New Zealand in the military area.

"The question is we have to respect each other. What belongs to Timor is Timorese and what belongs to another State belongs to another State. We do not disturb, do not disturb and do not speculate the situation in the country ".

New Zealand Defence Force spokesperson Phil Murray said Wing Commander Kerry McKee’s comments on the ETAN network were not the views of the New Zealand Defence Force or the New Zealand Government.

“The material was not intended for public use and was sent in error. The New Zealand Defence Force has apologised to the Timor Leste Defence Force (the F-FDTL) for the comments,” he said.

Wing Commander McKee’s appointment in Timor Leste has now ended and he will return to New Zealand. The circumstances related to the incident remain subject to a review.

Meanwhile, New Zealand ambassador to Timor – Leste Vicki Poole said, Wing Commander McKee’s comments on the ETAN network are not the views of the New Zealand Defence Force or the New Zealand Government.  

“His views were personal and were accidentally published on the ETAN network.   Wing Commander McKee has been stood down from duty pending a review of the situation.” (Oki)



Comment

@2018 - Tempo Timor. Developed by Kalohan.net

Top Desktop version