PR Lu Olo hato'o kestaun ne'e ba Komando F-FDTL ne'ebé hala'o enkontru ho Xefe Estadu iha palásiu prezidensial Bairro-pite.
Vise Xefe Estadu F-FDTL Falur Rate Laek informa, liu husi enkontru ne'e PR husu ba F-FDTL atu mantein operasaun hodi garante hakmatek ba povu.
"Ha'u mai enkontru ho prezidente repúblika kona-ba opearasuan forsa ninia iha loron 20 de Maiu ne'ebé liu ona, maske iha munsipiu no postu administrativu balun iha problema, maibé iha nivel nasional situasaun kalma. Entaun prezidente repúblika nia orientasuan mak kontinua mantein operasaun forsa nian", dehan Falur.
Aleinde ida ne'e, iha enkontru refere koalia mós kona-ba disiplina membru F-FDTL nian.
Ba ida ne'e, Vise Xefe Estadu F-FDTL ne'e argumenta, nu'udar Komandante militar nia preokupa mós kona-ba disiplina.
"Ha'u hanesan sira-nia xefe, ha'u mós preokupa, mais imi husu ha'u karaik ha'u hanorin disiplina militar, regulamentu disiplina militar par kumpre ida ne'e hatais farda halo nusa, la'o iha estada ko'alia ho komunidade ne'e oinsa, la'o iha estrada ne'e nia respeita no komporta oinsa no autoridade oinsa. ha'u hanorin mak ida ne'e", katak Falur.