Komandante Jerál PNTL, Komisáriu Faustino da Costa hateten, asidente ne'ebé akontese iha fulan-Abríl 2020 hamutuk 54, na'in 1 mate no na'in lima seluk kanek todan.
"Asidente iha fulan-Abríl nian mate ida, iha ema na'in lima mak kanek todan no 40 resin kanek kmaan," dehan nia, iha Palásiu Prezidensiál, Bairru-Pité, Kinta (7/5).
VIDEO PUBLISIDADE APELU HUSI PM TAUR APLAUS BA FRONT LINE
iha aprezentasaun dadus sira ne'e ba Prezidente Repúblika (PR), Komisáriu PNTL mós relata kona-ba membru PNTL ida ne'ebé tiru sidadaun ida iha Maubara.
"Kona-ba tiru komunidade ida iha Maubara ne'e ami atualiza, agora iha hela prosesu interina PNTL nian. Iha tempu badak mós ita sei haree no deside buat ruma," dehan Faustino.
Iha enkontru semanál ne'e mós Komjer PNTL relata kazu sira ne'ebé akontese iha Munisípiu Baukau no Vikeke ne'ebé fofoun ema deskonfia katak arte-marsial no konflitu suku sira, inklui ida sidade Dili. (*)
PUBLISIDADE
PUBLISIDADE