"Servisu hahú husi komandu munisípiu to'o mai iha tránzitu nasional, dadus husi janeiru to’o mai iha setembru ita rezistu kazu asidente hamutuk 1.462", Dehan Xefi Departamentu Tránzitu Seguransa Rodaviária, Superintendente Assistente Luis da Costa, iha kaikoli, kinta (05/10).
Asidente ne'e ema lakon vida hamutuk 57, kanek todan 293 no kanek kmaan hamutuk 1.762.
"Kazu hirak ne'e polisia tránzitu konsege lori ona ba iha tribunal no iha kazu final mak hamutuk 58, i prosesu ba tribunal hamutuk 41 no sei iha prosesu nia laran mak 763 no ida rezolve a nivel famíliar entre parte rua hamtuk 700", nia informa.
Kazu hirak ne’e, akontese tanba kauza husi fator tolu hanesan fator humanu (90%), fator veikulu (5%) no dalan ou natureza (5%).
"Hato’o ba publiku katak, durante ne'e ita halo cek point iha kapital tantu iha munisípiu konsege kaptura no prende evidensia ne'ebé ita lori mai iha edifisiu tránzitu hamutuk 17.319", nia afirma.
PNTL mós prende transporte governu hamutuk 276, privadu 1.1531, transporte publiku 986 no prende dokumentos hamutuk 4.526.
Husi evidensia ne'ebe prende ne’e infratores sira selu ona iha banku hamutuk 15.220 no infratores ne'ebé seidauk selu por volta 295 no iha infratores 4 mak passa deklarasaun.
Kazu ne’e, infrator sira komete infrasaun aas liu no viola ordem tránzitu hamutuk 2.980, no uza motor la uza kapasete 2.453, la lori dokumentus orijinal 2.298 no kontra sinais tránzitu 1.804.
"Atualiza mós janeiru to’o mai setembru ita konsege hatama reseita ba iha kofre estadu hamutuk US$733.26, total ne’e husi infrasaun rua, ida infrator sira komete rasik mak total US$ 513.234 no reseitas ida tán husi parte fronteiras mak US$120.26". (*)
