"Loos duni hodikalan ita hetan informasaun husi intelijen makikit sira kona-ba sigaru ilegal ne'ebé tama to’o mai iha kapital Dili liuliu sira fa’an iha taibesi, nune’e ita nia eskuadra Nain-Feto hamutuk ho forsa rezerva to’o kedas iha taibesi iha oras 11:00 no ita konsege prende sigaru hamutuk 601 slop, marka Thanos 402 no suria 199", dehan Komandante PNTL munisípiu Dili, Superintendente Xefi Orlando Gomes iha kaikoli, tersa (10/10).
Dadaun suspeitu ho inisial QN kumpri hela iha sela detensaun 72 oras nia iha kaikoli hodi hein prosesu tuir mai no sei aprezenta ba ministeriu publiku.
"Suspeitu ne’e ho nia kareta gran max ida no nia husi bobonaru, maibe hela iha taibesi eh nia halo transaksaun ne’e fa’an fali ba keos kikoan sira iha dili laran, tanba ne’e ita nia intelijen sira rona no informa ba iha ita nia PNTL, sira tun halo kapturasaun kedas",
Evidensia hirak ne’e mos rai ona iha komandu munisípiu dili no hein aprezenta ba ministeriu publiku inklui ho suspeitu depois foti desizaun. (*)