Komunidade 'Halerik', Paulino Garante Laiha Impedementu ba Reabilita Estrada Ossú-Nahareka

Ida ne'e maka estrada Nahareka nia oin iha tempu udan Ida ne'e maka estrada Nahareka nia oin iha tempu udan Foto suplai

Tempotimor (Dili)-Kondisaun estrada Ossú-Nahareka sei aat nafatin hafoin nasaun ne'e restaura nia ukun rasik aan iha Maiu 2002. Dadaun ne'e governu Timor-Leste liuhusi Ministériu Obras Públika (MOP) loke ona konkursu ba públiku atu reabilita liuron refere, Xefe Suku Nahareka Paulino Albertino Ximenes garante laiha impedimentu husi kualker se de'it.

Tuir nia, tenderizasaun ne'ebé governu loke liuhusi Progrma Nasionál ba Dezenvolvimentu Suku (PNDS) ne'ebé atu halo reabilitasaun ba estrada husi postu Ossú to'o suku Nahareka sei laiha impedementu husi komunidade sira.

"Kona-ba tenderizasaun ba estrada husi postu Ossú ba suku Nahareka, ami garantia laiha impedementu, tanba ami hakarak ami-nia dalan di'ak no ami sei koordena ho sira seluk atu nune'e labele iha impedemntu," dehan xefe suku Paulino iha Palásiu Governu hafoin remata sorumutu ho Ministru Asuntu Parlamentár no Komunikasaun Sosiál (MAPKomS), Kinta (25/2).

Autoriedade lokál ne'e afirma, difikuldade ne'ebé povu Nahareka durante ne'e infrenta mak estrada no eletrisidade ne'ebé to'o agora seidauk tama, entaun bainhira serteza ona halo reabilitasaun ba estrada, mak parte lokál sei servisu hamutuk ho kompañia.

"Ami ajuda sira ke'e rai, tamba ami hakarak ami-nia dalan di'ak entaun ami servisu hamutuk ho sira," Nia dehan.

Entretantu, tenderizasaun ne'ebé governu liuhusi Ministériu Obras Públika loke ona konkursu públiku ba estrada rurál sira mak hanesan munisípiu Vikeke, postu administrativu Ossú Suku Nahareka ho nia númeru MOP/CD/RFQ/21010 ho totál orsamentu rihun $79.034, alende ne'e iha mós reabilitasaun estrada husi Suku Loihunu to'o Uaguia ho nia númeru MOP/CD/NCB/21024 ho montante orsamentu $507.705.

Alende husi Munisípiu Vikeke, governu mos halo tenderizasaun atu reabilita estrada rurál iha Dili, Postu Administrativu Metinaru, husi diresaun estrada Hera ba suku Liurai ho nia númeru MOP/CD/NCBR/21022 ho nia totál orsamentu $177.134 no diresaun estrada Hera ba Suku Liurai ho númeru MOP/CD/NCBR/21023 ho totál orsamentu $148.297.(*)

Rate this item
(0 votes)
Last modified on Thursday, 25 February 2021 16:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter