“Iha Aldeia Sibuni, Munisípiu Bobonaro akontese udan boot rezulta aman ho oan mate, kazu ne'e akontese bainhira aman no oan ne'e ba simu osan veteranu nian, bainhira iha dalan atu fila ba uma no hakur mota mak mota lori”, dehan Sekretáriu Estadu Protesaun Sivíl (SEPS), Joaquin José Gusmão dos Reis Martins, iha edifísiu SEPS, Kaikoli, kuartu (23/02).

Enkuantu vítima na’in-rua ne'ebé mate hanesan Albano Mauloes tinan 62 (Aman) no Luciano de Jesus tinan 21 (Oan).

Dadaun ne'e sira-nia mate-isin hetan ona no entrega ona ba família hodi halo prosesu funeral.

Aliende ne'e mós iha Munisípiu Ermera iha idozu ho naran, Deometrio dos Santos ho tinan 62 mós mate impaktu husi udan maka’as ne'ebé akontese mós iha loron segunda. (*)