“Ohin Konsellu Superior Defeza halo tan reuniaun ida, diskute kona-ba proposta mai husi Governu ne’ebé trata kona-ba ezonerasaun no nomeiasaun komandante komponente forsa armada nian”, dehan Xefe Kaza Militar, Koronél Antonio Soares da Silva 'Maukalo' hafoin reuniaun KSDS iha Palasíu Prezidensiál Bairopite, tersa (22/02).
Tuir lei kona-ba nomeiasaun komandante komponente ne’e fó kompeténsia ba prezidente repúblika atubele ezonera no nomeia, tanba ne’e mak uluk forsa armada iha estatutu orgániku sira iha komponente lima, hanesan komponente terrestre, komponente formasaun no treinu, kompaña apoiu servisu, komponente aeru, no navál.
"Komponente tolu hanesan terestre naval ho aeru, sira seluk ne’e sai tiha fali unidade apoiu ne’ebé komponente tolu ne’e mak presiza nomeia, sira ne’ebé uluk husi komponente lima ninian ne’e komu mandatu hotu ona ezonera tiha sira, komu agora tolu de’it ne’e mak kompeténsia prezidente repúblika só nomeia de’it ba komponente tolu ne’e”, haktuir nia.
Husi proposta ne’e mai diskute hothotu fó hanoin pozitivu ba proposta ne’ebé mak dadaun kabe kompetensia prezidente dekreta tomada pose mak bele delega ba komandu F-FDTL realiza tomada pose iha unidade, maibé Prezidente Repúblika halo nomeiasaun no ezonerasaun ne’e importante liuhusi dekretu.
Xefe Estadu sei halo analiza ba proposta Governu nian hodi fó sai dekretu prezidente Repúblika no Públika iha jornal repúblika, tanba proposta povernu nian, Governu propoin Xefe Estadu Ezonera Komandante Komponente Terrestre, Tenente Koronél Renilde Guterres Cortereal, no nomeia koronél José da Costa ‘Triks’, ba Komandante Komponente Terrestre, Komandante Komponente Navál, Governu Propoin Nomeia Koronél Higino das Neves, no Komandante Komponente Aeru, Governu propoin nomeia Tenente Koronél Helder da Costa. (*)