Login to your account

Username *
Password *
Remember Me

Komadante UEP Husu Membru Atua Situasaun ho Profesionál

Komadante Unidade Espesiál Polísia (UEP), Superintendente Xefe Orlando Gomes. Komadante Unidade Espesiál Polísia (UEP), Superintendente Xefe Orlando Gomes. Foto Suplay

Tempotimor (Dili)-Komadante Unidade Espesiál Polísia (UEP), Superintendente Xefe Orlando Gomes, husu ba membru UEP atu halo atuasaun ba situasaun ruma ho profesionál.

“Ita labele halo atuasaun tuir ita-nia gostu, maibé tenke rona orientasaun husi komandu, hodi ezekuta tuir, ho profesionalizmu hodi atende ita-nia povu no nasaun”, dehan Orlando Gomes, iha Komandu UEP, BairoPité, sesta (18/02).

Tanba ne’e husu mós ba membru na’in-24 ne’ebé termina ona treinamentu durante fulan ida, hamutuk ho membru sira atu kumpri nafatin dever, lei, no regra ne’ebé iha instituisaun laran.

Nune’e, agradese ba instrutór sira ne’ebé durante ne’e fó ona formasaun ba membru na’in-24 tuir treinamentu tátika asistésnia seguransa ba entidade a’as, nune’e mai hamutuk lori UEP bele sai di’ak liu agora no ba oin.

Segundu Komadante Jerál PNTL, Komisáriu Mateus Fernandes hatete, servisu Polísia nian sai hanesan ema hotu nia preokupasaun nomós PNTL rasik nia preokupasaun nune’e servisu ho profesionalizmu.

Tanba iha Polísia nia misaun sempre hasoru buat barak hanesan krime potensiál oioin, tantu krime vertikal no horizontál, liga dinámika sosiál no globál ne’ebé ema enfrenta.

“Ha’u husu ba membru UEP foun sira ne’ebé ohin ramata treinamentu iha korajen nafatin hadomi imi-nia an, hodi serví ba rai ida ne’e, tanba liuhusi treinamentu ida ne’e eleva imi-nia kapasidade oinsá bele halo atua ba situasaun difísil ruma, ho rápidu”, afirma nia.

Haree pozisaun Polísia nian ne’ebé úniku no kapás tebes, maibé tenke serví povu ho laran, fuan, nune’e populasaun sei depozita konfiansa ba Polísia tuir servisu loroloron.

“Husu ba imi prepara mentál, fíziku ba servisu rútina loroloron, liuliu iha tempu badak sei hasoru situasaun hanesan, eleisaun Prezidensiál no eleisaun Parlamentar, imi hotu servisu ho profesionál no neutru hala’o servisu seguransa nian, liuliu iha ámbitu kampaña ba eleisaun nian”, dehan nia.

Nune’e Komandante, Timor-Leste Police Development Program (TLPDP), Dareen Boy hatete, partisipante hamutuk na’in-24 ne’ebé mak termina ona kursu ka treinamentu ne’ebé foka liuba kursu protesaun pesoál nian, di’ak tebes tanba hanorin seguransa sira oinsá halo atuasaun ba situasaun difísil nia laran liuliu ba entidade as sira.

“Ha’u hakarak atu rekomenda nafatin ba komadante UEP atu motiva no fornese nafatin, kursu profesionalizmu ne’ebé agora daudaun ita-boot sira hala’o ne’e tanba papél seguransa pesoál ne’e importante tebes, iha nasaun ida”, haktenik nia. (*)

Rate this item
(1 Vote)
Last modified on Friday, 18 February 2022 17:23
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter