“Iha seguransa públiku ne'e mak tránzitu sira sei serbisu maka’as iha parte ne'e. Seguransa públiku katak kontrolu movimentu hothotu ka transporte hotu ne'ebé mak halo movimentu iha estrada ne'e sei kontrolu husi tránzitu sira”, dehan Superintendente Xefe Pedro Belo, iha sede nasionál CNE, Kolmera-Dili, sábadu (19/02).

Nune'e husu ba militante no apoiante kandidatura sira atu uza kapasete bainhira tuir kampaña. PNTL sei halo atuasaun ne'ebé seriu no lahalimar, tanba ne'e mak PNTL preparasaun liliu ba simulasaun ne'e iha fatin hothotu.

Tanba oinsá atu hasoru implementasaun golpe ne'e tau lolos ba seguransa eleisaun prezidensiál tinan ida ne'e tenke la’o ho di'ak.

“Ami sira ne'e kumpri lei obriga ema atu kumpri lei, se mak la kumpri sei hetan sasaun ne'ebé implementa ona iha instituisaun ida ne'e”, dehan nia.

Maibé aprezentasaun ne'ebé halo hanesan aprezentasaun Globál enkuantu espesifiku ne'e ba orden operasaun bele orienta membru sira hodi fahe tarefa servisu antes no depois eleisaun.

“Festa demokrasia ne'ebe ita atu halo ne'e, lei regula no bandu ba militante ne'ebé lori tua ba fatin kampaña no lanu ba sentru votasaun ida ne'e lei eleitorál regula kedas ba aktu sira hanesan ne'e”, esplika nia.

Tanba ne’e, tenke tau lifuan katak ‘Dok husi siklu tauk ba violénsia’ atu nune'e sidadaun hotu bele selebra festa demokrasia ho di’ak no tuir regra ne'ebé iha ona. (*)