Login to your account

Username *
Password *
Remember Me

Falur Husu Membru F-FDTL Leal ba Komadante

Xefe Estadu Maior Jenerál F-FDTL, Tenente Jenerál Falur Rate Laek vizita hela Primeiru Batallaun Baukau, sesta (18/02). Xefe Estadu Maior Jenerál F-FDTL, Tenente Jenerál Falur Rate Laek vizita hela Primeiru Batallaun Baukau, sesta (18/02). Foto Tempo Timor

Tempotimor (Baukau)-Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Falur Rate Laek husu membru sira iha Primeiru Batallaun Baukau, atu leal ba nia komadante no labele bosok.

"Husu imi para kontribui di'ak leal ba imi nia komadante sira, leal ba komadante eskuadra, leal ba komadante pelutaun, leal ba komadante kompañia, leal ba komadante komponente sira no leal ba imi nia estadu jenerál," dehan Falur iha resintu F-FDTL Primeiru Batallaun Baukau, sesta (18/02).

Eenkoraja mós membru sira, bainhira servisu iha fatin seluk, tenke ko'alia ho ema hotu nu’undar hanesan militár sidadun ne'ebé edukadu no sivilizadu.

"Respeita ita nia inan aman, maun alin sira ne'ebé de'it, par kuandu buat ruma ita nia forsa boot liu mak ita nia povu, ita manan funu, tanba ita nia forsa mak povu ida ne'e, povu ne'e por mais nia ki’ak nia kiik mais nia forsa invénsivel," nia argumenta

Nune'e, bainhira ba servisu iha área ne’ebé de’it, inan aman sira mós simu membru hanesan oan, bei-oan, no maun alin, tanba ne'e hahalok hotu respeita komunidade.

"La'os forsa ba ho kilat ema trauma fali, tauk fali, tanba hahalok ladi'ak, ne'ebé muda hahalok loron-loron halo mudansa iha imi nia vida famíliar pesoal halo mós mudansa disiplina iha instituisaun nian," nia enkoraja

Tanba ne'e, tenki obedse no fiar malu atu lori instituisaun F-FDTL ba susesu.

"Jenerál reformadu dehan hanesan ne'e, ita ne'e servi família servi instituisaun, ne'ebé ita fahe ita nia ekilibre fahe tempu ne'e ba rua, fahe ba ita nia família, la'os aumenta tan problema ho ita nia família," nia hakotu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter