Login to your account

Username *
Password *
Remember Me

PNTL Liberta Suspeitu ANM, Hafoin Halo Komunikasaun ho Prokuradór 

Komandante PNTL Munisípiu Dili, Superintendente Xefe Henrique da Costa. Komandante PNTL Munisípiu Dili, Superintendente Xefe Henrique da Costa. Foto Suplay

Tempotimor (Dili)-Polísia Nasionál Timor-Leste (PNTL) liberta filafali suspeitu ho inisiál ANM ne'ebé kaer iha Aeroportu Internasionál Prezidente Nicolau Lobato, iha loron kuarta (26/01), hodi detein iha sela detensaun Polísia Eskuádra Dom Aleixo durante oras 72, tanba bosok sidadaun na’in-4 hodi lakon osan ho montante US$1000-resin hodi trata dokumentus ba servisu iha Inglaterra.

"Sim horiseik PNTL destakadu iha Aeroportu ho UPF no eskuádra Dom Aleixo, kaptura suspeitu ANM iha tuku 3 lokraik, bainhira lori vítima na’in-4 atu aranka ba Inglaterra, no detein kedas iha sela detensaun Polísia Eskuádra Dom Aleixo durante oras 72 hodi aprezenta ba primeiru interrogatóriu iha Tribunál Distritál Dili, tanba bosok sidadaun na’in-4 hodi lakon osan ho montante US$1000-resin trata dokumentu ba servisu iha Inglaterra, maibé ohin dader ita liberta filafali hafoin ita halo komunikasaun ho Prokuradór sira”, informa Komandante PNTL Munisípiu Dili, Superintendente Xefe Henrique da Costa, iha Komandu Jerál PNTL, Kaikoli, kinta (27/01).

Maske suspeitu liberta ona maibé prosesu indentifikasaun sei kontinua la'o normal hodi tuir dalan legal.

"Relasiona ho evidénsia hanesan osan nomós motorizada ne’ebé mak iha eskuadra Don Aleixo no ita-nia parte investigasaun sei kontinua nia prosesu, no ida ne’e ita halo komunikasaun no orientasaun ba ita-nia Prokuradór tanba ita hatene na’in ba prosesu mak Ministériu Públiku no ita halo komunikasaun iha ne'eba”, esplika nia.

Tanba akontesementu ne’e mós kleur ona no presiza filafali keixa ruma depois mak foti informsaun husi parte vítima sira no nia prosesu ne’e sei aprezenta ba iha Ministériu Públiku.(*)

Rate this item
(0 votes)
Last modified on Thursday, 27 January 2022 15:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter