Login to your account

Username *
Password *
Remember Me

UPF-PM Konstrui Uma ba Komunidade Kbi’it Laek iha Batugade 

Ekipa tékniku voluntariu husi Polisia Militar no UPF konstrui hela uma ba komunidade iha Aldeia Tolan TCL  23, Suku Batugade, Postu Administrativu Balibo, Munisípiu Bobonaro. Ekipa tékniku voluntariu husi Polisia Militar no UPF konstrui hela uma ba komunidade iha Aldeia Tolan TCL 23, Suku Batugade, Postu Administrativu Balibo, Munisípiu Bobonaro. Foto Suplay

Tempotimor (Dili)-Polísia Nasionál Timor-Leste (PNTL) liuhusi Unidade Polísia Fronteira (UPF) hamutuk ho FALINTIL-Forsa Defeza Timor-Leste (F-FDTL) liuhusi Polisia Militár (PM) hamutuk ho ekipa tékniku sira voluntaria konstrui uma ba komunidade kbi’it La’ek sira iha Aldeia Tolan TCL 23, Suku Batugade, Postu Administrativu Balibo, Munisípiu Bobonaro.

Ba servisu voluntáriu ne'e lidera husi komadante UPF, Superintendente Euclides Belo no Komandante Polísia Militar (PM), Postu Mota-Ain, Primeiru Sarjentu Lekiluru.

Superintendente Euclides Belo hatete, planu hari’i uma ne’e atu dignifika komunidade vulnerável sira iha aspetu seguransa sosiál.

“Ita-nia intensaun atu fasilita de’it komunidade sira ne’ebé merese duni hetan tulun, hanesan timoroan ami iha responsabilidade moral atu ajuda malu. Maske apoiu ne’e ki’ik maibé UPF no PM kontinua servisu hamutuk presta servisu baziku ba komunidade sira no garante seguransa ba ita-nia sidadaun atu komunidade sira aproveita hodi dezenvolve moris no envolve sira nia-an ba dezenvolvimentu nasionál”, Euclides Belo, liuhusi telefone, kuarta (26/01).

Ba uma ne’ebé mak sira halo, material konstrusaun mai husi parseria PNTL nian no tulun ne’ebé sira hetan fó diretamente ba komunidade sira iha suku no aldeia ne’ebé merese hetan.

“Ita hakarak hatete material konstrusaun ba uma ne’e mai husi ekipa Mama Bolu, Dr. Sam no Avo Ramos Horta. Maske simples ita buka atu halo uma ne’e ho konfortável no iha loron rua nia laran komunidade sira bele hela ona iha uma ne’e nia laran”, afirma nia.

Iha parte seluk populasaunsira iha área refere hetan difikuldade tebes hodi asesu ba bee-moos durante tinan barak nia laran. Situasaun real ne’e sempre obriga komunidade sira, liliu feto no labarik sira lao kuaze metru atus ba atus hodi ba buka bee.

Dadaun ne’e ekipa konjunta PNTL no F-FDTL nafatin halo servisu vizilansia maka’as iha fronteira hodi asegura liña fronteira sai fatin seguru ba ema hotu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter