Diretóra Ezekutivu Fundasaun Uma Pas Baukau, Felismena Belo, hatete, kazu hirak ne'ebé rejistu ne’e, mai husi Postu Administrativu Venilale, Kelikai no Baukau Vila.

"Husi janeiru nia laran ami rejista kazu hamutuk 9, maioria violénsia demestika," dehan Felismena iha Tipografia vila nova, kuarta (12/01).

Tuir dadus rejistrasaun, kazu hira ne’e, kauza husi problema ekonomia família ne’ebé la sufisiente.

Tanba, iha balun feen ne’ebé ba servisu iha pertamina no kliner hodi buka osan, maibé fila uma tarde la'en deskonfia, entaun hamosu problema.

"Iha kazu 5 ou 4 hanesan ne'e mak husi kazu deskonfia malu, mane la'os deskonfia, maibé lakohi atu feto sira ba halo servisu iha liur," nia haktuir

Maske nune'e, FUP Baukau kontinua servisu makas defende vítima violénsia doméstika sira atu rejistu hodi loke prosesu legal.

Entertantu, kliente ne'ebé dadaun hala’o ka’ar iha Uma Mahon Baukau ema na'in-12 no membru família na'in-5, nune’e totál hamutuk ema na'in-17. (*)