"Objetivu formasaun ba PNTL ne'e oinsá atu sira bele kontrola emosaun, no atu hasae mós sira-nia koñesimentu, oinsá kontrola sira-nia emosaun bainhira halo atendementu iha Públiku kona-ba oinsá kontrola emosaun bainhira atende ba problema ruma”, dehan Diretór DNPKK, Antonio Viegas, hafoin fó formasaun ba PNTL iha komandu munisípiu Dili, Kaikoli, tersa (21/12).

Tanba dalabarak membru PNTL uza mós emosaun bainhira halo atendementu, maibé desde fó formasaun no tuir avaliasaun ne'ebé avalia ohin loron ladún akontese ona iha terenu.

"Tanba ne'e ohin ami mai fó tan formasaun ba dalarua nia, fó formasaun dahuluk ne'e iha rezultadu ne'ebé di'ak, siknifika sira-nia atendementu ikus-ikus ne'e la'o di'ak, no ohin ne'e ba dalarua nia, oinsá atu aumenta liután sira-nia koñesimentu”, afirma nia.

Tanba haree ba fatin ne'ebé sai risku ba konflitu mak hanesan área Komoro, Dom Aleixo nia, inklui Bekora

Komadante  Operasaun Munisípiu Dili, Inspetur xefe Delfim da Silva hatete, formasaun hirak ne'e importante l oinsá atu kontrola membru PNTL sira-nia emosaun bainhira tun ba terenu.

"Tanba iha natál no tinan foun ne'e responsável ida ne'ebé l mak operasionalmente distribui ona ba sira, nune'e ita fiar katak liuhusi formasaun sira ne'e bele halo atendementu di'ak liutánn”, dehan nia.

Maibé la siknifika durante ne'e PNTL sira atende Komúnidade la di'ak, tanba servisu hotu sempre iha nia failansu kada vez PNTL sira ko'alia ho lian maka’as hasoru komunidade tanba situasaun balun, no dalaruma komunidade barak mós ulun toos, maibé la siknifika PNTL atende komunidade ho la di'ak. (*)