Tempotimor (Dili)-Sekretáriu Estadu Protesaun Sivíl (SEPS) husi Diresaun Nasionál Prevensaun Konflitu Komunitáriu(DNPKK) iha tinan 2021 to’o fulan-maiu 2022, rejista kazu sivíl akontese iha Timor-Leste laran tomak hamutuk 442.

Diretór Jerál (DNPKK), Antonio Viegas hatete, durante tinan ida fulan-5 kazu sivíl ne'ebé akontese iha Timor-Leste ligadu ho joven husi Grupu Arte Marsiál sira kria konflitu asaltu malu no problema hadau malu rai ne'ebé durante akontese iha Timor-Leste ne'e mak hamutuk 442.

Alende ne’e, DNPKK mós halo mediasaun ho komunidade sira kona-ba kazu sivíl ne'ebé akontese iha Timor-Leste konsege rezolve ona 169 liuhusi asina akordu katak sira sei la halo problema tan.

“Kazu sira ne’e akontese ita identifika barak kona-ba problema rai ho joven Arte Marsiál asaltu malu, ita konsege konvense sira halo diálogu ita rezolve ona ne’e 169, kazu ne’ebé labele rezolve ona arkivu hamutuk 108 no ida iha prosesu mediasaun seidauk rezolve ne’e hamutuk 215 mak ita rejista hela”, dehan António iha edifisiu Protesaun Sivíl Kaikoli, kinta (09/06).

Kazu sivíl sira kona-ba joven Arte Marsiál kria konflitu no problema hadau malu rai ne’e barak liu mak família sira haksesu malu kona-ba rai, tanba DNPKK rejista buka dalan halo diálogu oinsá mak sira bele simu malu.

“Ami kontinua halo aprosimasaun ba vítima no suspeitu sira atubele simu malu bele hetan justisa tuir dalan legál”, afirma nia.

Tuir matadalan kona-ba sensibilizaun husi DNPKK tipu mediasaun konflitu sira ne'ebé mosu iha komunidade hanesan konflitu negósiu, interpesoál, konflitu rai no konflitu kestaun família.

“Husi konflitu hirak ne’e barak liu mak konflitu interpesoál barak liu liga ho joven sira asaltu malu inklui problema rai, tanba envolve direita husi feto no mane hothotu sai mós autór, vítima no suspeitu ida-ne’e mak durante ne’e ita identifika ho halo prevensaun”, hatete nia.

Entretantu tui dadus ne'ebé iha, kazu konflitu akontese iha teritóriu Timor-Leste iha tinan 2020 ne'e mós DNPKK rejista hamutuk 196 kona-ba kazu sivíl. (*)

Tempotimor (Dili)-Sekretária Estadu Protesaun Sivil (SEPS) liuhusi Diresaun Nasionál Prevensaun Konflitu Komunitariu (DNPKK) servisu hamutuk ho Plan Internasionál hodi fó kontinua apoiu formasaun ba estudante no inan aman sira iha eskola Sekundária Sagrada Korasaun de Jesus Bekora Au-Hun.

Tempotimor (Manatuto)-Sekretáriu Estadu Protesaun Sivíl, Joaquim Gusmão hatete, Governu hakarak Arte Marsiál sira husik istória pasadu ne’ebé la fó vantazen ba nasaun, tanba ne’e hala’o kampaña dame ida ne'e marka pasu pozitivu atu hakiak dame no tane as espíritu dame.

Tempotimor (Dili)-Ministériu Interiór (MI) liuhusi Diresaun Nasionál Prevensaun Konflitu Komunitariu (DNPKK) servisu hamutuk ho PLAN internasionál hodi fó formasaun ba lideransa Komunitáriu kona-ba prevensaun konflitu matadalan mediasaun sensivel ba jéneru jestaun emosaun no protesaun ba labarik ba lideransa komunitáriu sira iha suku Bebonuk.

Tempotimor (Dili)-Governu liuhusi Ministeriu Interior, Sekretariu Estadu Protesaun Sivíl, garante hela Sistema seguransa nasionál, tanba Lei Defesa Nasionál, Lei Seguransa Interna no Lei protesaun sivíl hetan ona aprovasaun.

Tempotimor (Dili)-Sekretáriu Estadu Protesaun Sivíl (SEPS) husi Diresaun Nasionál Prevensaun Konflitu Komunitáriu (DNPKK) realiza atividade validasaun ba planu asaun anuál 1325 kona-ba rezolusaun Konsellu Seguransa Nasaun Unidas ba feto paz no seguransa.

Tempotimor (Dili)-Diresaun Nasionál Prevensaun Konflitu Komunitaria (DNPKK) fó formasaun ba membru Polísia Nasionál Timor-Leste (PNTL) oinsá atu kontra emosaun bainhira halo atendementu iha públiku.

Tempotimor (Baukau) - Diresaun Nasionál Prevensaun Konflitu Komunitáriu (DNPKK) fó formasaun ba autóridade lokál no Ofisial Polísiamentu Suku (OPS) sira husi Munisípiu haat iha Baukau.

Tempotimor (Dili)-Ministériu Interior (MI) liuhusi Sekretária Estadu Protesaun Sivil (SEPS), Diresaun Nasionál ba Prevensaun Konflitu Komunitáriu (DNPKK), hamutuk ho Organizasaun Internasionál Feto Nasaun Unidas (UN Woman), kontinua sensibiliza Matadalan Sensível Jéneru (MSJ), ba estudante universitáriu sira.

Tempotimor (Dili)-Sekretária Estadu Protesaun Sivil (SEPS) liuhusi Diresaun Nasionál Prevensaun Konflitu Komunitáriu (DNPKK) konsege proses ona kazu hamutuk 95 iha teritóriu nasionál.