“Kuandu ita hatene ona ne'e halo kedas keixa, kuandu deteta ami la kondena iha lurón kedas maibé liuhusi kanál responsável filafali, atu husu de'it osan dollar ida US$1 mós imi bele halo keixa dala barak akontese, ema ida merasa dirugikan tenke aprezenta keixa atu nune'e atu ita prosesa ema ne'e”, dehan Xefe Departamentu Nasionál Tránzitu Seguransa no Rodaviária, Inspetór Xefe Inocencio Freitas, iha Salaun CFP, Vilaverde, kinta (11/11).

Tanba lei Tránzitu ne'ebé estabele ona kuandu motorista sira kontra Lei Tránzitu no Diresaun Nasionál Transportes Terrestre (DNTT) mak polísia sira prende tenke selu taxa ba erru ne'ebé mak motorista sira hala'o ne'e.

Maibé, dalabarak kuandu hetan ona kobransa, vítima sira lakohi halo keixa maibé ba halo publikasaun iha mídia Sosiál sira.

Durante ne'e Komandante sira mós buka hela meius atu evita maibé seidauk konsege, tanba ida ne'e mak husu ba públiku no vítima sira atu kolabora hodi halo keixa bainhira iha akontesimentu ruma kona-ba aktu ne'e.

"Ami rasik mós hanesan buka hela meius atu evita akontese buat hanesan ne'e ami la'ós defende ami-nia membru sira kesalahan ne'e sempre iha maibé mak ne'e husu tulun ba irmaun sira media nian ne'e obriga ema sira ne'e atu halo keixa ba komando atu nune'e komandu bele halo tindakan”, afirma nia.

Tanba ne'e husu ba mídia liliu jornalista sira atu kontinua fahe informasaun ba públiku relasiona oknum PNTL husu osan iha autostop tenke halo keixa ba públiku.

Alende ne'e mós públiku sira ne'ebé mak sai vítima iha momentu autostop tenke halo keixa ba komandante hodi foti medida ruma ba oknum PNTL refere. (*)