Login to your account

Username *
Password *
Remember Me

EUA Sei Fornese Edukasaun Militár ba F-FDTL

FALINTIL-Forsa Defeza Timor-Leste (F-FDTL) hamutuk ho Forsa Estadus Unidus Amérika (EUA), hala’o ezersísiu iha momentu balu liuba. FALINTIL-Forsa Defeza Timor-Leste (F-FDTL) hamutuk ho Forsa Estadus Unidus Amérika (EUA), hala’o ezersísiu iha momentu balu liuba. Foto Suplay

Tempotimor (Dili)-Asistente Adjunta Ministru Defeza Estadus Unidus Amérika(EUA) bá Ázia Súl no Sudeste Aziátiku, Lindsey W.Ford afirma, EUA kompromete sei fornese edukasaun militár ba Falintil-Forsa Defeza Timor-Leste (F-FDTL).

"Oportunidade hasoru malu ho Ministru Defeza, Filomeno nomós Jenerál Lere, iha ne'ebá ami ko'alia kona-ba oinsá reforsa ita-nia kooperasaun bilaterál iha assuntu militár nian, ha'u mós ko'alia kona-ba kooperasaun militár ho Jenerál Lere fornese edukasaun militár bá ita-boot sira-nia forsa, nomós interkámbiu bá ita-boot sira-nia forsas”, dehan Lindsey W.Ford, iha Kuartél Jenerál Fatuhada, kinta (11/11).

Iha biban hanesan Xefe Estadu Maiór Jenerál F-FDTL, Tenente Jenerál Lere Anan Timur, agradese bá EUA ne'ebé sempre iha korajen nafatin atu fó apoiu bá F-FDTL liliu iha área formasaun rekursu umanu.

"Ida-ne'e ha'u agradese ba nia, tanba sira-nia apoiu ba ita-nia formasaun rekursu umanu, no sira promete katak, ami prontu atu forma nafatin imi-nia ema”, hatete Lere.

Apoiu ne'ebé EUA fó bá Timor-Leste durante ne'e la'ós Timor mak izmola, maibé nu'udar dever no obrigasaun nasaun dezenvolvidu hanesan EUA no seluk tan atu fó bá nasaun ki'ik ne'ebé foin ukun-an.

"Depois ko'alia kona-ba apoiu sira-ne'ebé ita presiza, hanoin katak, ita presiza apoiu, la siknifika katak, ita husu izmola, dever obrigasaun paizes potente, paizes dezenvolvidu tenki tau matan bá paíz sira em dezenvolvimentu”, esplika nia.

Tanba ne’e, agradese bá apoiu tomak ne'ebé durante ne'e EUA fó ona ba Timor-Leste liliu instituisaun F-FDTL.

Durante vizita, Lindsey W. Ford, fornese ona ekipamentu protesaun pesoál adisionál husi Forsa Aérea Pasífiku Estadus Unidus nian ba Timor-Leste hodi ajuda hakotu pandemia ne'e, mitigasaun ba ema no sosiedade sira, no hametin rekuperasaun.

Iha mós fundu millaun US$2.3 husi Komandu Indo-Pasífiku Estadus Unidus no Ajensia Estadus Unidus ba Dezenvolvimentu Internasionál (USAID) atu hari’i fasilidade izolamentu iha Baukau, hari’i unidade kuidadu móvel iha Dili, no hadi’ak fornesimentu bee no saneamentu iha sentru kuarentena iha Batugade.

Estadus Unidus hala’o ona ezersísiu militár anuál dala tolu ho F-FDTL no haruka mos membru F-FDTL barak ba Estadus Unidus hodi hala’o estudu lian Inglés no formasaun profisionál militár nian.

Aleinde ne’e, Estadus Unidus Amérika nia Navál Seabees hari’i no reabilita ona klínika no eskola liu 100 iha Timor-Leste hodi ajuda hari’i futuru ida ne'ebé di'ak liuba Timoroan sira.

Projetu sira ne’ebé hala’o ho valór liu millaun US$50 durante tinan 10 nia laran. (*)

 

Rate this item
(0 votes)
Last modified on Thursday, 11 November 2021 19:52
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter