Membru F-FDTL Na'in-6 Preparadu ba Hala'o Misaun iha Nasaun Unidas 

Membru FALINTIL-Forsa Defeza Timor-Leste (F-FDTL) na’in-6 ne'ebé termina kursu observadór militár foto hamutuk ho Xefe Divizaun Operasaun F-FDTL, Tenente Cornel Alberto dos Santos no Diviza Internasionál sira iha Metinaro. Membru FALINTIL-Forsa Defeza Timor-Leste (F-FDTL) na’in-6 ne'ebé termina kursu observadór militár foto hamutuk ho Xefe Divizaun Operasaun F-FDTL, Tenente Cornel Alberto dos Santos no Diviza Internasionál sira iha Metinaro. Foto Tempo Timor

 

Tempotimor (Dili)-Membru FALINTIL-Forsa Defeza Timor-Leste (F-FDTL) hamutuk na’in-neen (6) termina ona kursu observadór militar preparadu ba hala’o misaun iha Nasaun Unidas.

"Koñesimentu ida ne'ebé mak ita-boot sira simu durante ne'e kuaze semana rua nia laran, ha'u hanoin katak, la sufisiente entaun apezar de ita-boot sira simu tiha ona koñesimentu abilidade oituan kona-ba servisu observadór militár ninian iha futuru, tanba ne'e mak tenke atualiza koñesimentu ida ne'e e tenke akompaña ho atitude tenke di'ak, tanba abanbairua ita-boot sira sei ba kumpri misaun hanesan matan Nasaun Unidas ninian, matan mundu nian”, Xefe Divizaun Operasaun F-FDTL, Tenente Cornel Alberto dos Santos, iha Metinaro, sesta (15/10).

Alende koñesimentu disiplina mós tenke di'ak no  konsistente ho regra hothotu ne'ebé establesidu ona husi Nasaun Unidas, nune'e bele kumpri misaun ho di'ak no lori naran di'ak Timor-Leste nian ba mundu no kumprimentu Nasaun Unidas nian hensan observadór militár.

"Nu'udar matan tilun Nasaun unidas nian ita-boot sira tenke iha koñesimentu luan, tenke iha koñesimentu kultura nasaun ne'ebé ita-boot sira futuramente sei ba karik simu Misaun”, haktenik nia. 

Tanba ne'e la bele satisfeitu ho rezultadu ne'ebé mak durante ne'e hetan ona maibé tenke atualiza nafatin tanba hanesan joven, sarjentu ne'ebé mak nasaun sei presiza, instituisaun sei presiza atu  kumpri misaun iha tempu naruk nia laran.

"Ita bele kumpri didi’ak ita-nia misaun hanesan FALINTIL-Forsa Defeza Timor-Leste ninian ne'ebé dezigniadu tiha ona iha artigu 146 RDTL nian", afirma nia.

Diretór Kursu Apoiu Paz, Capitão Xisto da Cruz hatutan, kursu ne'e realiza iha loron 4 to'o 15 Outubru partisipante hamutuk na'in-6 partisipa iha kursu ida ne'e atu hatoman-an ho termu militar nian ne'ebé abanbairua sei hetan iha área Polísia Sientífiku Investigamentu Kriminál (PSIK).

"Ofisiál ba kursu ida ne'e atu kontinua prevé abilidade no koñesimentk ne'ebé aprende ona ajuda imi-nia susesu iha futuru Misaun ONU (Organizasaun Nasaun Unidas)", hatete nia. (*)

Rate this item
(0 votes)
Last modified on Saturday, 16 October 2021 09:36
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter