Informasaun ne’ebé www.tempotimor.com asesu iha pájina Australia in Timor Leste, iha loron domingu (17/10) katak, armazenamentu refrijeradu bele sai esensiál ba ekipamentu importante militár nian hanesan rádiu. Tanba ne’e F-FDTL no Austrália nia Kooperasaun Defeza serbisu hamutuk ona iha manutensaun ba ár kondisionadu.
Ho DCP patrosina treinamentu ba F-FDTL nia eletrisista sira iha manutensaun ár kondisionadu iha Centro Formação Professionál Dom Bosco Comoro.
Hafoin ne'e, soldadu F-FDTL sira serbisu hamutuk ho Forsa Defeza Australianu iha Ezersísiu Hari’i Hamutuk hodi aplika sira-nia abilidade iha ambiente serbisu ne’ebé real.
Ba futuru, manutensaun ár kondisionadu sei hola parte ba Programa Manutensaun Baze F-FDTL nian rasik, ne’ebé mak dezenvolvidu ona husi F-FDTL nia Sélula Jerensiamentu Infraestrutura, DCP fornese ona ba F-FDTL ho ekipamentu nesesáriu hodi kontinua programa serbisu okupadu ne’e. (*)