Governu Aprova Dekretu-Lei Aumenta Saláriu Pursentu 5 ba F-FDTL no PNTL

Reuniaun Konsellu Ministru iha Palasiu Governu momentu liuba. Reuniaun Konsellu Ministru iha Palasiu Governu momentu liuba. Foto Suplay

Tempotimor(Dili)-Governu liuhusi Konsellu Ministrus aprova alterasaun Dekretu-Lei kona-ba rejime remuneratóriu FALINTIL-Forsa Defeza Timor-Leste (F-FDTL) no Polísia Nasionál Timor-Leste (PNTL), hodi aumenta saláriu besik pursentu lima (5%) no remuneratóriu globál pursentu 5.

Dekretu-Lei kona-ba rejime remuneratóriu F-FDTL nian, aprezenta husi Ministru Defeza, Filomeno da Paixão de Jesus no PNTL nian, ne'ebé aprezenta husi Primeiru Ministru no Ministru Interior, Taur Matan Ruak no Vise Ministru Interiór, Antonio Armindo.

Projetu ne'e halo aumentu salarial besik pursentu lima (5%) iha postu militar sira hothotu, no aumentu remuneratóriu globál sira ho valór 5% husi remunerasaun baze no halo atualizasaun ba suplementu remuneratóriu sira.

"Intervensaun lejizlativa ida ne'e atu hetan karreira militar ne'ebé atrativa liu, ho kondisaun salariál ida tuir nia modernizasaun no profisionalizasaun husi Forsa Armada sira”, dehan Ministru Prezidénsia Konsellu Ministru (MPKM), Fidelis Leite Magalhães iha Palásiu Governu, sesta (24/09).

Hakarak mós atu armoniza diploma ida ne'e ho proposta alterasaun ba Estatutu Militár sira F-FDTL nian

Nune'e ho intervensaun lejizlativa  ne'e mós hakarak estimula membru PNTL sira ba prestasaun di'ak ida iha kumprimentu misaun polisiál nian, atu dignifika no hasa'e profisaun.

Aleinde hadi'a remuneratóriu, halo tan ba armonizasaun sistema remuneratóriu PNTL nian, ho forsa seguransa sira seluk, ho hanoin aprosimasaun husi korrespondente nível remuneratóriu sira. (*)

Rate this item
(1 Vote)
Last modified on Friday, 24 September 2021 23:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter