Login to your account

Username *
Password *
Remember Me

PNTL Kaptura AG Tenta Fa'an Sasán Kulturál ba Indonézia

Sidadaun Timor-Leste ida ho inisiál AG ne’ebé ekipa konjunta PNTL kaptura iha fronteira, tanba tenka fa'an sasán kulturál ba Indonézia, (24/09). Sidadaun Timor-Leste ida ho inisiál AG ne’ebé ekipa konjunta PNTL kaptura iha fronteira, tanba tenka fa'an sasán kulturál ba Indonézia, (24/09). Foto Suplay

Tempotimor (Dili)-Ekipa konjunta husi Polísia Nasionál Timor-Leste (PNTL) kaptura sidadaun AG ida iha fronteira Mota Ain, tanba tenta atu lori sasán kulturál Timor-Leste  ba fa'an Indonézia.

"Iha dia 17 Setembru 2021, ekipa konjunta UPF, COE, iha Postu ALFA, iha liña fronteira kaptura sidadaun ida ne'ebé ho inisiál AG atu hakat ba iha Atambua-Indonézia hodi ba fa'an sasán kultura nian, hanesan belak mutin 402, belak mean 425, ne'ebé mak forsa konjunta PNTL nian kaptura iha liña fronteira, e suspeitu ne'e agora dadauk entrega ona ba iha komandu Munisípiu Bobonaru hodi hala'o prosesu investigasaun", informa Porta Voz Komandu PNTL, Superintendente Xefe, Arnaldo de Araújo, iha Komandu Jerál Kaikoli, sesta (24/09).

Nune'e mós, iha loron tersa (21/09) ne'e, maizumenus tuku 08:00, oras dadeersan, akontese kazu sizíliu ida ne'ebé mak vítima tara-an no mate, iha Suku Karauvalu, aldeia Wesa.

"Vítima ne'e ho nia kondisaun mate, bainhira ema ba hatuun nia", dehan Arnaldo.

Tuir dadus kona-ba asidente no insidente ne'ebé akontese iha territóriu durante semana ida, hahú husi loron 20 to'o 25 Setembru 2021 ne'e, iha kazu insidente hamutuk 13, husi asaltu malu ema na'in-13, tentativa omesidiu ka koko atu oho, ema na'in-1, tara-an 1, na'ok na'in-2.

"Nomós totál asidente hahú husi dia 20 to'o 24 Setembru 2021, hamutuk 15 asidentes. La rezulta ema ida mate, maibé rezulta ema kanek de'it, liliu motorizadas beat ne'ebé mak fó liu impaktu ba dezastre sira hanesan ne'e”, hateten nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter