"Primeiru Ministru agradese kooperasaun ne'ebé mak POLRI (Polísia Repúblika Indonézia) fó e sua eselénsia primeiru Ministru nia agradesimentu ba Xefe POLRI Indonézia nian tanba apoiu kooperasaun ne'ebé mak sira hatudu koperasaun ida di'ak tanba ne'e ita agradese ba sira", dehan Adido Seguransa Timor-Leste iha Jakarta, Júlio da Costa Hornay, hafoin relata servisu anuál ba PM nia Rezidénsia Faról, sesta (23/09).
Nune'e Primeiru Ministru husu atu kontinua kooperasaun entre Polísia Nasionál Timor-Leste (PNTL) no Polísia Repúblika Indonézia (POLRI) iha área Terrestre, Marrítima no Áereu nian.
"Iha obrigatóriu atu halo kooperasaun ida ne'e atu hametin liután amizade ida ne'e, ida ne'e mak ami servisu ami halo, kuandu iha buat ruma ami sempre koordena ho Polísia Indonézia sira liuhusi INTERPOL”, hatete nia.
Iha ne’e aprezenta mós servisu iha área Seguransa nian iha Jakarta entre Timoroan sira iha sidadaun Indonézia nian. (*)