"Husu ba komunidade sira ne'ebé mak sira sei rai hela kilat anin hanesan ne'e, di'ak liu husu mai entrega mai polísia para hodi bele halo rejistu, hodi hatene katak kilat ida ne'e uza ba saida, sé karik labele uza, tenke ser entrega mai iha komandu ka, ou rai ka, ne'e filafali ba entre kilat na’in ho komandu”, dehan Portavóz Komandu PNTL, Superintendente Xefe, Arnaldo de Araújo, iha Komandu Jerál Kaikoli, sesta (24/09).

Tanba lei númeru 05/2017 koalia kona-ba arma branka, hodi bandu komunidade sira no sidadaun sé de’it atu utiliza arma ho tipu saida de'it.

"Maibé, atu hatete de'it katak, lei armas brankas la autoriza ema atu lori kilat anin, depois ho sasán kroat sira ne'ebé mak bele estraga ou afeta ba ema seluk nia vida. Ne'e lei númeru 05/2017 hakerek iha ne'ebá. Entaun sira ne'e konsidera katak, sira halo krime, entaun, ne'e tenke ser prosesu tuir lei legal ne'ebé mak iha", afirma Arnaldo. (*)