Login to your account

Username *
Password *
Remember Me

UDT Lakonkorda Entidade Kondena UPF Fasilita GAM Hakat Fronteira Ilegál

Xefe Bankada Uniaun Demokrátiku Timorense (UDT), Francisco David Xavier Carlos. Xefe Bankada Uniaun Demokrátiku Timorense (UDT), Francisco David Xavier Carlos. Foto Suplay

Tempotimor (Dili)-Xefe Bankada Uniaun Demokrátiku Timorense (UDT), Francisco David Xavier Carlos deklara, nia parte la konkorda entidade sira kondena membru Polísia Nasionál Timor-Leste (PNTL) husi Unidade Patrollamentu Fronteira (UPF) fasilita membru Grupu Arte Masiál (GAM) hakat fronteira ho ilegál.

“Foin dadauk informasaun barak katak dehan UPF sira mak fasilita ema tama sai, ne'e laloos, ita labele kondena ita-nia ema sira ne'ebé sakrifika sira-nia aan tomak hodi enfrenta situasaun ida ne'e”, dehan nia iha PN, segunda (09/08).

Tanba, hanesan membru organizasaun Persaudaraan Setia Hati Terate (PSHT) durante ne'e halo ona sensiabilizasaun hodi aviza ba membru sira hotu atu lebele sai ba halo graduasaun iha Indonézia iha situasaun covid-19.

Bainhira sidadaun ka membru GAM sira sai ho ilegál konsege ba duni, ida ne'e lei iha para halo kapturasaun hodi submete ba prosesu tuir lei ne'ebé vigora.

“Ha’u bele deklara katak ha’u mós Warga PSHT, e ida ne'e ami fó sai ona regra katak labele sai ba halo graduasaun PSHT iha ne'eba ho situasaun ida agora. Lei ne'e ami fó sai hotu ona, para tenke kumpre regras serka sanitáriu ho situasaun pandemia covid-19 ne'ebé timor laran tomak hasoru”, dehan nia.

Deputada Bankada Partidu Demokrátiku (PD), Elvina Souza hatete, presiza halo investigasaun klean kona-ba kestaun fasilita sidadaun hakat liu fronteira ho ilegál.

Tanba ne'e, nudar reprezentante povu hakarak ko’alia se de'it mak fasilita ne'e nia kontra lei, maibé tenke halo investigasaun klean, karik deteta membru UPF mak fasilita tenke aplika sansaun.

“Se iha investigasaun mak hetan UPF mak fasilita, siknifika nia tenke simu ninia konsikuénsia”, afirma nia.

Deputada bankada KHUNTO, Olinda Guteres mós reforsa, bainhira deteta membru UPF komete iregularidade husu instituisaun tenke foti sansaun hodi hasai nia husi servisu.

Iha mós Deputadu bankada CNRT, Domingos de Carvalho husu atu halo reforma ba membru Unidade Patrollamentu Fronteira (UPF), bainhira fasilita sidadaun no Membru Organizasaun Arte Marsiál hakat fronteira ho ilegál. (*)

Rate this item
(0 votes)
Last modified on Monday, 09 August 2021 17:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter