Login to your account

Username *
Password *
Remember Me

BOP-COE Kaptura Sidadaun Na'in-2 ho Atributu GAM

Komandante UEP, Superintendente Xefe Orlando Gomes. Komandante UEP, Superintendente Xefe Orlando Gomes. Foto Suplay

Tempotimor (Dili)-Polísia Nasionál Timor-Leste (PNTL) husi Unidade Batallaun Ordem Públika (BOP) no Kompaña Operasaun Espesiál (COE) kaptura membru Grupu Arte Marsiál (GAM) na’in-2 ne’ebé fasilita ona ema na'in-lima ba sa'e sintu (sabuk) iha Indonézia ho fronteira dalan ilegál.

“Foin segunda (09/08) dader ne’e kaptura tan joven mane ida iha área fronteira ho naran inisial OdA, husi Aldeia Atus, Suku Gildapil, Munisípiu Bobonaro ne’ebé mak fasilita ona ema na'in-5 ba hodi sa'e sabuk iha Indonézia”, deklara Komandante UEP, Superintendente Xefe Orlando Gomes, iha nia kna'ar fatin Bairopite, segunda (09/08).

Tanba bazeia ba orientasaun husi Komandante Jerál PNTL mai iha komandu UEP hodi reforsa liña fronteira ita koloka tan membru COE ho mós BOP servisu espesífiku no vizilánsia maka’as apoiu UPF hodi asegura liña fronteira hosi movimentu ilegál iha fronteira terrestre.

Enkuantu, iha segunda (09/08) ohin, maizoumenus tuku 13:00 meiudia ne'e, membru BOP ho UEP kaptura tan membru GAM ida, inklui halo mós aprensaun ba evidénsia sira hanesan atributu GAM husi Persaudaraan Setia Hati Terate (PSHT) nian.

“Hafoin iha dia 9 Agostu iha tuku 1 meiudia halo tán kapturasaun  ba membru membru Grupu Arte Marsiál (GAM) na’in-1 iha Suku Memo hetan mós evidénsia hanesan atributu arte marsiál husi PSHT ninian ne’ebé fasilita ona ema na'in-lima tama ilegál hodi sa'e sabuk”, informa nia.

Hafoin halo kapturasaun, sidadaun hirak ne’e parte BOP ho COE entrega ona ba Komandu Munisípiu Bobonaru hodi halo investigasaun tuir lei.

Ho id ane’e husu ba komunidade sira apoiu liuhusi servisu hamutuk ho PNTL atubele halo kapturasaun ba ema sira ne’ebé mak tama sai ilegál, tanba fronteira terrestre iha área ne'ebé luan. (*)

Rate this item
(0 votes)
Last modified on Monday, 09 August 2021 17:13
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter