Komandu PNTL Díli Dezafia Membru Garante Seguransa

Segundu Komandante Komandu Munisipiu Dili, Superintendente Polísia, Joăo Sancho Pires, realiza hela sorumutuk ida ho membru sira husi eskuadra verra cruz, iha salaun komandu Dili, kuarta (21/07). Segundu Komandante Komandu Munisipiu Dili, Superintendente Polísia, Joăo Sancho Pires, realiza hela sorumutuk ida ho membru sira husi eskuadra verra cruz, iha salaun komandu Dili, kuarta (21/07). Foto Tempo Timor

Tempotimor (Dili)-Komandu Polísia Nasionál Timor-Leste (PNTL) liuhusi Segundu Komandante Komandu Munisípiu Dili, Superintendente Polísia, Joăo Sancho Pires, dezafia membru sira atu servisu maka'as hodi garante kapitál Dili sai sidade hakmatek, no seguru.

"Apresia ba ita-boot sira-nia servisu, durante ita-boot sira la'o hela, Segundu Komandante la lori buat foun mai. Segundu Komandante Distritu oinsá atu hala'o servisu iha Dili. Dili atu hakmatek, ita-boot sira mak servisu maka'as. Dili atu la'o ba oin, ita-boot sira mak tenke asegura hela, ita mak na'in ba Dili", dehan João Sancho, iha salaun enkontru Komandu Dili, kuarta (21/07).

Tanba ne'e, husu membru sira-nia kontribuisaun atu hamutuk ho komandante eskuadra, segundu komandante, ne’ebé  servisu iha Dili, tenke servisu maka'as atubele toba dukur.

"La'ós ita de'it, maibé autoridade, komunidade ne'ebé mak hela iha Dili, tenke kumpri misaun seguransa hamutuk ho ita para bele la'o. Ita la mesak. Ezemplu, ita mak sai ikan, komunidade, autoridade hothotu iha Dili mak, bee. Ita moris iha bee nia laran hela, ita moris di'ak, bee mós tenke di'ak, e sira tenke kontribuisaun ita para bele servisu ne'e la'o. Ida ne'e mak importante. Oinsá mak atu lao hela, ita gaña hela, tanba ita-nia OPS iha hela, ofisial polísia Suku mak iha hela”, hatete nia.

Membru sira hola papél importante iha terrenu, tanba sira mak liman ain komandante jerál nian, no OPS sira iha Suku, nu’udar liman ain komandante distritu ninian iha terrenu.

"Ita-boot sira sai lalenok ba ema hotu. Ita-boot sira mak sai negóseia ho autoridade sira iha kraik. Ita-boot sira mak hasoru hela komunidade iha kraik, ida ne’e mak papel boot ida", haktenik nia.

Durante halo aprezenta-an, Segundu Komandante João Sancho Pires, introdúz katak, nia moris iha Baukau, Suku Lakuliu, Postu Administrativu Kelikai, servisu kuaze tinan barak ona.

Maibé, tanba kumpri ordém Komandu PNTL nian, iha tinan 2013, muda fali nia husi Baukau ba asume komandante iha Unidade Patrullamentu Fronteira (UPF), to'o loron 30 fulan juñu 2021 ne’e, transfere hikas mai Komandu Munisípiu Dili. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« August 2021 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter