Tuir komunikadu ne'ebé www.tempotimor.com asesu katak, akontesementu ne’e, envolve husi GAM (Grupu Arte Marsiais) rua ne’ebé halo asalatu no tuda malu iha foho leten entre IKS (Ikatan Kera Sakti) PSHT (Persaudaraan Setia Hati Terate).

Hafoin hetan kontkatu hosi fontes servisu sekreta, komandante eskuadra Dom Aleixo, inspetór polísia, Alexandrino da Costa “Samurai”, orienta ekipa patrulla hodi normaliza situasaun.

Wainhira ekipa sa’e ba foho leten grupu hirak ne’e ho fatuk tuda hasoru membru PNTL sira, nune’e ekipa patrulla Dom Aleixo halo prevensaun hodi tiru gas lakrimozoniu hodi hafahe grupu rua no konsege suspeitu nain-4 hamutuk ho evidénsia fatuk no ai-tonka ne’ebé sira uza hodi perturba orden públiku no lori kedas mai halo identifikasaun iha Eskuadra PNTL Dom Aleixo Comoro.

Entretantu joven na’in-rua husi PSHT ho identidade mak hanesan, ADCM tinan 16 no HS, tinan 35, ne’ebé hela iha Aldeia Mane Mesak, Suku Manleuana. Enkuantu joven IKS na-in-rua husi bairu seluk mak hanesan GADS, tinan 26 no HEM tinan 20, nu’udar estudante universitáriu ne’ebé hela iha Aldeia Mauk, Suku Manleuana, Postu-Administrativu Dom-Aleixo, Munisípiu Dili. (*)