Login to your account

Username *
Password *
Remember Me

UPM Kaptura Joven Mane Ida ho Lista Membru GAM

Komandante UPM, Superintendente Polísia, Basílio de Jesus. Komandante UPM, Superintendente Polísia, Basílio de Jesus. Foto Tempo Timor

Tempotimor (Dili)-Polísia Nasionál Timor-Leste (PNTL) liuhusi Unidade Polísia Marítima (UPM) kaptura joven mane ida ne'ebé lori ho lista naran husi membru Grupu Arte Marsiál (GAM) balun nian hamutuk na’in-29, tanba deskonfia atu ba tuir graduasaun sa'e sintu.

UMP halo kapturasaun ba sidadaun mane ne'e, iha loron tersa (20/07), maizoumenus tuku 18:00, liuhusi pasa revista "Auto Stop" iha área Batuboru, Postu Administrativu Maubara, Munisípiu Likisá.

"Horikalan evidénsia sira ne'e forte, ita-nia maluk ne'e lori dokumentu komprovativu hanesan lista rejistu arte marisiál nian ne’ebé atu ba sa'e sabuk hamutuk 29 pesoál kompleta ho nian fotografia, inklui lista kobransa, no kartaun vasinasaun ne’ebé sidadaun ne'e falsifika”, informa Komandante UPM, Superintendente Polísia, Basílio de Jesus iha Kna’ar fatin Lesidere, kuarta (21/07).

Hafoin halo kapturasaun, membru UPM sira halo identifikasaun kedas ba sidadaun ne'e, no lori ba entrega iha Komandu PNTL Munisípiu Likisá, hodi halo ona autu partisipasaun hodi entrega ba Ministériu Kompotente.

Aleinde ne'e, iha prosesu identifikasaun ne'e, UPM konsege hetan mós atributu husi GAM balun ne'ebé tau iha bagajen motorizada nia, hodi prende mós motorizada ne'ebé sidadaun ne'e kondúz.

"Sidadaun ne'e, tuir ordém husi komandante jerál, ita entrega kedan ba komandu Munisípiu Likisá, no detein iha sela durante oras 72 depois submete ba primeiru interogatóriu”, informa nia.

Enkuantu, UPM sei kontinua halo atividade pasa revista ka ‘auto stop’ hodi identifika sidadaun ne'ebé viola regra estadu bainhira iha intensaun aat ba estabilidade, PNTL liliu UPM sei la tolera, hodi foti medidas tuir lei. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter