Grupu Deskoñesidu Sunu Ona Uma Oknum PNTL iha Lahane

Uma Oknum PNTL ne'ebe hetan sunu husi grupu deskonesidu, relasiona ho  trajedia ne'ebe akontese ohin madrugada tuku 2:12. Sabadu (5/6). Uma Oknum PNTL ne'ebe hetan sunu husi grupu deskonesidu, relasiona ho trajedia ne'ebe akontese ohin madrugada tuku 2:12. Sabadu (5/6). Foto Supply

Tempotimor (Dili)-Grupu deskoñesidu sunu maizumenus tuku 21:00 sunu ona uma husi oknum Polísia Nasionál Timor-Leste (PNTL) ne'ebé tiru mate Filomeno de Deus (Aman) ho Camilo de Deus (Oan) iha Suku Lahane Osidental Postu-administrativu Vera Cruz, Munisípiu Dili.

Hafoin akontese trájedia, grupu deskoñesidu ne’ebé akompaña matebian ba nia rezidensia Lahane no sunu kedan oknum PNTL nia uma maizoumenus tuku 20:20 oras timor-leste (otl).

Ho ida ne’e, Xefe Suku Lahane Osidental, Francisco Ribeiro Faria Smith, ba www.tempotimor.com katak, grupu deskoñesidu ne’ebé sunu uma husi oknum PNTL, bainhira akompaña mate-isin ba nia rezidénsia Lahane.

“Sim sunu duni. Ema sira mai ne’e akompaña matebian husi ospital mai uma mak sunu. Ema sira ne’e ami la koñese hotu, sira barak,” deklara Francisco liuhusi telemóvel, sábadu (05/06).

Bainhira grupu ne’e sunu laiha autoridade seguransa ne’ebé halo atuasaun, tanba ne’e sira livre hodi sunu.

“Bombeiru sira mós mai maibé grupu sira iha ne’ebé haruka fila,” afirma nia.

Oknum PNTL ne’ebé tiru sidadaun na'in-tolu rezulta na'in-rua mate, no na’in ida tama iha Hospital Nacional Guido Valadares (HNGV) akontese iha loron sábadu (05/06/2021) tuku 2:00 otl.

Liga ba kazu sunu uma ne'e, www.tempotimor.com tenta konfirma ho segundu Komandante Polísia Nasionál Timor-Leste (PNTL) Munisípiu Dili, Superintendente Polísia Euclides Belo, maibé nia parte seidauk hetan informasaun klaru.

"Ita akompana media entaun ne'e loos, maibe ha'u laiha koñesimentu, tanba kazu ne'e iha ona nivel altu komandu jerál nian,".(*)

Rate this item
(7 votes)
Last modified on Saturday, 05 June 2021 23:42
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter