Tempotimor (Dili)-Governu liuhusi Konsellu Ministru (KM) nomeia Superintente Polísia Ismael da Costa Babo hodi lidera Autoridade Protesaun Sivil.

Tempotimor (Dili)-Vise Ministru Interior (MI), António Armindo klarifika, insindente ne'ebé mosu iha área Fatumea hodi rezulta sidadaun timoroan ida hetan kanek iha liman sorin karuk ne'e, la'ós Tentara Nasional Indonézia (TNI) mak tiru, maibé ema sivíl ida ho senapan (kilat-anin) mak tiru kanek.

“Tuir relatóriu ne'ebé informasaun foin dadauk sai dehan katak, TNI mak tiru ne'e, la’e. Ema sivíl ida mak tiru uza senapan (kilat-anin) ne'e tiru. La'ós TNI ka Polisi Repúblik Indonesia (POLRI) mak tiru”, esplika António Armindo, ba www.tempotimor.com liuhusi telefone, kinta (05/08).

Tanba sidadaun sivél ne’e husi viziñu Atambua-Indonézia ne'ebé la'o hamutuk ho milítar TNI ho POLRI, nian bainhira la'o tuir dalan mai área Timor-Leste (TL) nian hodi buka tuir sidadaun timoroan ne'ebé deskonfia lori-subar sira-nia karau.

“Tanba sira agora dadauk ne'e hanoin dehan TNI mak lori senapan ne'e tiru, mais ema joven, ema sivíl mak lori senapan ne'e tiru. Ema Atambua, ema ne'ebá mak tiru, mais nia la'ós militár, la'ós TNI, nia sivíl. Sivíl sira mai hamutuk ho tentara sira ne'e”, hatete nia.

Insidente ne'e mosu tanba deskonfia sidadaun timoroan lori subar ema nia karau mean husi rai viziñu Indonézia (Atambua) nian, lori tama área TL iha Aldeia Fatumea, Postu Administrativu Fohorem, Munisípiu Covalima.

“Sim, tuir informasaun hanesan (naok karau) ne'e mak hodi rezuta problema ne'e. Horikalan ha'u la husu nia kuantidade, tanba telatóriu mós ha'u seidauk haree, mais relatóriu Primeiru Ministru hanesan Ministru Interior ne'e ba tiha ona”, dehan nia.

Enkuantu prosesu ba suspeitu ne'ebé tiru ne'e, tuir lei TL ka Indonézia nian, maibé sei konfirma ho asesór sira hodi husu paresér jurídiku ruma kazu refere.

“Problema tanba akontese ne'e iha fronteira, mais agora ema ne'e Indonézia, ne'ebé ha'u tenke konfirma lai ho asesór sira, mais ne'e komandu mós halo prosesu ona depois halo nusá ba mak, komandu relata mai mak ita haree, parese ke sei kontatu mós ho embaixada Indonézia nian iha Dili atu haree asuntu ida”, hatete nia.

Maske nune'e, Komandante PNTL Komandu Munisípiu Covalima, rezolve ona kazu ne'e ho família rua nian, no promete sei fó fila karau ne'ebé lori subar iha Fatumea.

“Ha'u iha hela Suai, horikalan ko’alia hela ho Komandante Munisípiu Covalima, ne'ebé nia mós dehan rezolve ona, e ami hasoru ona parte rua, Indonézia ho ita-nia, ko’alia ona e depois entrega hikas e prosesu ne'ebé mak krime ne'e la'o nafatin”, haktuir nia.

Tuir planu, iha loron segunda (09/08), Komandu PNTL liuhusi nia Portavóz sei hamutuk ho adidu Militár Indonézia nian iha Dili hodi hala'o konferénsia imprénsa ida, atu relata informasaun ne'ebé loloos ba públiku hodi bele hatene. (*)

Tempotimor (Atauro)-Primeiru Ministru(PM) no Ministru Interiór (MI) Taur Matan Ruak ho kometiva iha ona tasi klaran hodi ba ingura Postu Unidade Polísia Marítima (UPM) ne'ebé lokaliza iha Aldeia Akrema Suku Bikeli Postu Administrativu Atauro ne’ebé sei nakfila ba munisípiu iha tempu badak.

Tempotimor (Dili)-Grupu deskoñesidu sunu maizumenus tuku 21:00 sunu ona uma husi oknum Polísia Nasionál Timor-Leste (PNTL) ne'ebé tiru mate Filomeno de Deus (Aman) ho Camilo de Deus (Oan) iha Suku Lahane Osidental Postu-administrativu Vera Cruz, Munisípiu Dili.

Tempotimor (Dili)-Trajédia Lahane ne’ebé ohin hamate tan povu aileba na’in rua ho bala musan, mak família matebian sei bolu atensaun públiku nian 'sadik' Polísia Nasionál Timor-Leste (PNTL) inklui governu iha Dili kona-ba áktu oknum membru PNTL hasoru povu aileba hanesan mós veteranus ida.

Tempotimor (Dili)-Iha Tersa (29/09) dader mosu paisajen neebé la baibain iha edifisiu ho medida 11x4 ne'ebé estudante sira husi Sentru Formasaun Don Bosco harii iha Kuartel Jeral Polisia Nasionál Timor-Leste.

Tempotimor (Dili)-Ministériu Interiór (MI) aprezenta proposta iha diskusaun Komite Revizaun Orsamentu Politika (KROP) hodi husu tan orsamentu adisionál ba fasilidade sira ne'ebé Polísia Nasionál Timor-Leste (PNTL) uza iha munisípiu sei menus, inklui Sekretáriu Estadu Protesaun Sivíl (SEPS).

Tempotimor (Dili)-Governu halo avaliasaun katak to'o agora sei kontinua mosu infiltrasaun ilegál iha fronteira tanba kauza husi fukun tolu.

Tempotimor (Dili)-Maske desizaun husi Komandu Jeral Polísia Nasional Timor-leste (PNTL), ne'ebé halo ona rotasaun ba komandante munisípiu sira inklui atuál Diretór Jerál Servisu Migrasaun Suprientendente Xefe Agustinho da Silva Gomes hodi asumi kargu komadante iha Munisípiu Ermera maibé, to'o agora sidauk desloka, tanba Tuir Vise Ministru MI rekuinese Ministru Interiór no vise Ministru Interiór seidauk iha esperiénsia.

Tempotimor (Dili)-Iha Kuarta (24/06) tuku 16.30, Prezidente Repúblika Francisco Guterres Lu Olo fó posse ba membru governu na’in 21. Entre membru governu ne’e iha mós naran Taur Matan Ruak ne’ebé aleinde asume pasta nu’udar Primeiru Ministru sei asume mós kargu Ministru Interior.