Ho ezijénsia públiku liliu sosiedade sivíl protesta Komandu jerál PNTL tau rezigna-an husi kargu, tanba laiha kapasidade hodi lidera institusaun PNTL durante iha nia mandatu.
"Ha'u mak atu responde iha momentu ida ne'e, ha'u atu dehan de'it situasaun aprezentasaun ami rasik aprezenta ba sua eselénsia Primeiru Ministru hanesan lideransa máximu ami prontu simu saida de'it husi Governu”, dehan Komisáriu Faustino iha Gabinete iha Farol, segunda (07/06).
Tanba iha loron 05 fulan-juñu tinan 2021 oknum PNTL tiru sidadaun na’in-tolu iha Lahane Osidentál, na’in-rua mate no ida seluk kanek todan dadaun ne’e halo tratamentu iha Hospital Nacional Guindo Valadares (HNGV). (*)
