Diretór ezekutivu Fundasaun Mahein, João Almeida, hateten, polítika governu taka arte marsias ne'e sei la rezolve problema ne'ebé mak iha, tanba maske haruka taka maibé grupu kiik balun sei la'o hela no rama ambon kontinua hatauk komunidade sira.

Lei nú. 5/2017 ne'e forte no nia pena ne'e todan, kuandu utiliza arma branka hodi halo krime no utilia arma branka laiha autorizasaun dima, katana ka tudik ruma.

"Kontra lei ne'e maka sei hetan pena todan. Sei hetan kastigu husi tinan tolu to'o tinan walu, nune'e mós ba arte marsiais", dehan João, knaar fatin fomentu I, Kinta (25/4).

Nia hatutan, buat ne'ebé Prezidente Repúblika preokupa maka atividade ilísitiu no rama ambon kontinua iha. Ne'ebé atividade ilísitiu ne'e hetan rezolusaun nú 16/2013 ne'ebé indika diretamente ba arte marsiais tolu hanesan KORK, PSHT no IKS.

Ne'e duni, hanoin no preokupasaun sira ne'e pertinente, maibé lei ne'e rasik rezolusaun iha, mas atividade kontua la'o, signigika taka kriminaliza mós la'os solusaun efetivu hodi minimiza problema no krime ilísitu ne'ebé kontinua eziste.

Fundasaun mahein rekomenda atu loke fila fali arte marsiaia sira ne'ebé taka ne'e para balo kontrolu, maske relatóriu komisaun reguladora arte marsiais katak laiha dalan atu loke fali arte marsiais ne'ebé taka ona ne'e.

Nune'e, Fundasaun Mahein rekomenda tenke loke fali arte marsial sira ne'ebé taka ona, tanba iha lei nú. 5/2017 ne'e ko'alia kona-ba arte marsial sira tenke rejistu husi Ministériu Justisa.

Nune'e mós tenke hetan autorizasaun no verifikasaun ba sira mia atividade hotu husi Komisaun Reguladora Arte Marsial (KRAM), bainhira sira loke sentru ida ba atividade arte marsial tenke hetan koñesimentu husi autoriedade lokal no Polisia Nasionál Timor-Leste (PNTL).

Ne'e duni, diak liu tenke loke fila-fali arte marsial, tanba ohin deskontroladu mak grupu ki'ikuan balun ne'e halo problema iha bairru sira no dala barak liu buka sira nia responsavel maibé laiha tanba arte marsial taka tiha ona.