Suspeitu LH Halo Moy Tama Ospitál, Inan Mate Fatin

Komandante PNTL munisípiu Díli, Superintendente Xefi, Hebriques da Costa koalia hela ho jornalísta sira iha nia kna'ar fatin Kaikoli, kinta (30/10) Komandante PNTL munisípiu Díli, Superintendente Xefi, Hebriques da Costa koalia hela ho jornalísta sira iha nia kna'ar fatin Kaikoli, kinta (30/10) Foto Tempo Timor

Tempotimor (Díli)- Iha Kinta (30/10) madrugada maizumenus tuku 01:10, mosu insidente ida, suspeitu ho inisiál LH (38) tama to'o vítima sira nia uma-laran hodi sona oan iha kabás no liman karuk no sona inan iha hirus matan to'o mate kedas iha fatin.

Asosíniu ne’e, akontese iha aldeia Terra Santa (Rai-kotu), suku Madohi, postu administrativu Dom Aleixo, munisípiu Díli.

Komandante PNTL munisípiu Díli, Superintendente Xefi Henrique da Costa informa, vitima na’i-rua ne’e oan feto naran Limdy Moy (11) ne'ebé hetan kanek todan no lori kedas ba iha Ospitál Nasionál Guido Valadares (HNGV), no inan Domingas Soares mate kedas iha fatin.

“Vitima nain-rua ne’e, ida sona iha liman-karuk no mós kabás, ne'e ida ne'ebé mak kanek ne’e. Depois inan ne’ebé maka mate fatin ne’e, sona iha hirus matan parte karuk, sona dala-barak iha ninia isin lolon,” Superintendente Xefi Henrique da Costa hateten ba jornalísta sira iha Kaikoli, sesta (30/10).

Nia konta tuir, hafoin akontesimentu, polísia hetan informasaun husi ema ne’ebé hela besik iha área Rai-Kotu no ekipa putrullamentu ho forsa rezerva ba kedas iha fatin akontesimentu hodi buka tuir suspeitu no konsege kaptura kedas hodi detein iha Sela Komandu Munisipiu Dili, hein kontinua ba prosesu legál.

Motivu loloos husi akontesimentu ne’e, nia dehan, parte seguransa rasik seidauk hatene, tanba prosesu investigasaun sei la'o hela, bainhira hetan ona mak sei informa ba públiku atu bele hatene.

“Ita sei buka hela ninia motivu seluk ruma, keta nia iha intensaun seluk ruma, depois iha prosesu investigasaun ita bele hetan”, nia dehan.

Kona-ba mate isin inan nian, parte PNTL rasik komunika kedan ba iha parte Forensik PNTL ninian, hodi lori kedas ba sala mortuáriu HNGV, Bidau.

“Loos duni, nia uza tudik, maibé ita sei iha hela faze prosesu nian, ita sei buka tuir tudik ne'e, nia mai husi nia uma nia lori kedas ou tudik ne'e nia hetan iha uma viziñu, ida ne'e maka sei prosesu hela", nia hakotu.

Rate this item
(1 Vote)
Last modified on Saturday, 31 October 2020 01:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks